ଭୁବନେଶ୍ଵର: ଏଣିକି ରାଜ୍ୟରେ କାର୍ଯ୍ୟରତ ଭାରତୀୟ ପ୍ରଶାସନିକ ସେବା ଅଧିକାରୀ(ଆଇଏଏସ) ଛୁଟିରେ ରହିଲେ ମୁଖ ଶାସନ ସଚିବଙ୍କଠାରୁ ଅନୁମତି ନେବାକୁ ପଡ଼ିବ। ଆଇଏଏସ ଅଧିକାରୀ ମୁଖ୍ୟ ଶାସନ ସଚିବଙ୍କ ବିନା ଅନୁମତିରେ ଛୁଟି ନେଇ ପାରିବେନାହିଁ। ଆଜି ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଅନେକ ଅଧିକାରୀ ବିନା ଅନୁମତିରେ ଛୁଟିରେ ରହୁଥିବାରୁ ରାଜ୍ୟ ସରକାରଙ୍କ ପକ୍ଷରୁ ଏଭଳି ପଦକ୍ଷେପ ନିଆଯାଇଛି। ବିନା ଅନୁମତିରେ ଛୁଟି ଓ ହେଡ୍ କ୍ବାର୍ଟର ଛାଡୁଥିବାରୁ କାମରେ ବାଧା ଉପୁଜୁଛି ବୋଲି କୁହାଯାଇଛି।
