ପୁରୀ: ଓଡ଼ିଶାରୁ ସର୍ବାଧିକ ମହିଳା ଓ ଶିଶୁ ଚାଲାଣ ହେଉଛି। ବୁଧବାର ପୁରୀରେ ଆୟୋଜିତ ‘ମାନବ ଚାଲାଣ’ ସମ୍ପର୍କିତ ସଚେତନତା କର୍ମଶାଳାରେ ଯୋଗଦେଇ ଏପରି କହିଛନ୍ତି ଜାତୀୟ ମହିଳା କମିଶନ ଅଧ୍ୟକ୍ଷା ବିଜୟା ରାହତକର। ଏଥିସହ ଉଦ୍ଧାର ହେଉଥିବା ମହିଳାଙ୍କ ସଠିକ୍ ଥଇଥାନ ହେଉନାହିଁ ବୋଲି ସେ କହିଛନ୍ତି।
ଅଧ୍ୟକ୍ଷା ବିଜୟା ରାହତକର କହିଛନ୍ତି, କରୋନା ପରେ ମହିଳା ଚାଲାଣ ବଢ଼ିଛି। ଏ କ୍ଷେତ୍ରରେ ଓଡ଼ିଶା ସମେତ ୪ ରାଜ୍ୟରେ ସ୍ଥିତି ଚିନ୍ତାଜନକ। ରେଳ ଗାଡ଼ି ମାନବ ଚାଲାଣର ମୁଖ୍ୟ ମାଧ୍ୟମ ପାଲଟୁଛି। ରାଜ୍ୟ ସରକାର ତୁରନ୍ତ ଉଦ୍ଧାର, ଥଇଥାନ, ଶିକ୍ଷାଦାନ ବ୍ୟବସ୍ଥା କରନ୍ତୁ ବୋଲି କହିଛନ୍ତି ଜାତୀୟ ମହିଳା କମିଶନ ଅଧ୍ୟକ୍ଷା। ଏହା ବ୍ୟତୀତ ବାଲ୍ୟ ବିବାହ ସଂପୂର୍ଣ୍ଣ ରୋକାଯାଉ ବୋଲି ସେ ମତ ବ୍ୟକ୍ତ କରିଛନ୍ତି।
ଅପରପକ୍ଷେ ରେଳ ବିଭାଗର ଅତିରିକ୍ତ ପୁଲିସ ମହାନିର୍ଦ୍ଦେଶକ ବୈଠକରେ ଯୋଗ ଦେଇନଥିବାରୁ ଅସନ୍ତୋଷ ପ୍ରକାଶ କରିଥିଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। ଉପମୁଖ୍ୟମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି, ଏଣିକି ସ୍ଵେଚ୍ଛାସେବୀ ସଂସ୍ଥାକୁ ନୁହେଁ ପୁଲିସକୁ ଦିଆଯିବ ସଚେତନତା ଶିବିର ଆୟୋଜନ ଅନୁଦାନ। ଏଥିସହ ଓଡ଼ିଶାରୁ ଚାଲାଣ ହୋଇଥିବା ମହିଳାଙ୍କୁ ଉଦ୍ଧାର ପାଇଁ ସ୍ବତନ୍ତ୍ର ଦଳ ଝାନ୍ସୀ ଯିବ ବୋଲି କହିଛନ୍ତି ପ୍ରଭାତୀ ପରିଡ଼ା।
Comments are closed.