ଗୁରୁଡିଝାଟିଆ : ଚୋରା କୋଇଲା ବେପାରୀଙ୍କ ଉପରେ ପଡ଼ିଛି ଚଡ଼କ। ଖୁଣ୍ଟୁଣୀ ପୁଲିସ ଇତିହାସରେ ପ୍ରଥମ ଥର ୧୩ ଚୋରା କୋଇଲା ବ୍ୟବସାୟୀଙ୍କୁ ଗିରଫ କରିବା ସହ ୨ ମିନି ଟ୍ରକକୁ ଜବତ କରିଛି। ପୁଲିସର ଏଭଳି ପଦକ୍ଷେପକୁ ସାଧାରଣରେ ସାଧୁବାଦ ପ୍ରଦାନ କରାଯାଇଛି। ପ୍ରକାଶ ଯୋଗ୍ୟ ଦୀର୍ଘ ଦିନ ଧରି ୫୫ ନଂ ଜାତୀୟ ରାଜପଥର ଅଡାଳ, କୃଷ୍ଣଶ୍ୟାମପୁର ଓ ମଥୁରାପୁର ଗାଁ ପାଶ୍ୱର୍ରେ ଚୋରା ବ୍ୟବସାୟୀ ମାନେ ଶାଗ ,ମାଛ ଭଳି ଡିପୋ କରି କୋଇଲା ବ୍ୟବସାୟୀ କଳା ବେପାର କରିଥାନ୍ତି । ବାରମ୍ବାର ଅଭିଯୋଗ ପରେ ମଧ୍ୟ କିଛି ସୁଫଳ ମିଳିପାରିନଥାଏ । ହେଲେ ଆଜି ଜିଲ୍ଲା ପୁଲିସର ସ୍ୱତନ୍ତ୍ର ସ୍କ୍ୱାର୍ଡ ଓ ସ୍ଥାନୀୟ ଥାନା ଅଧିକାରୀ ରଞ୍ଜନ କୁମାର ପ୍ରଧାନ ଅତର୍କିତ ଭାବେ ଯୋଜନା ମୁତାବକ ମଥୁରାପୁର କାଜୁ ଜଙ୍ଗଲ ଓ କୃଷ୍ନଶ୍ୟାମପୁର ନୂଆ ସାହି ଚୋରା କୋଇଲା ଡିପୋ ଉପରେ ଚଢାଉ କରିବା ଯୋଗୁଁ ତୋଟାପଡାର ଗଙ୍ଗା ପଲେଇ, ଖଗେଶ୍ବର ସାହୁ, ସଦଳ ସାହୁ, ପ୍ରଶାନ୍ତ ବାରିକ, ରବି ବେହେରା ପ୍ରକାଶ ସାହୁ, ସୁରେଶ ରାଉତ, ଭାଗ୍ୟଧର ନାଏକ, ବିଭୂତି ସ୍ବାଇଁ, ମନୋରଞ୍ଜନ ରାଉତ, ଶଙ୍କର୍ଷଣ ବେହେରା, ପ୍ରଦୀପ ବେହେରା, ଭାସ୍କର ଖଟୁଆ, ବିକାଶ ବେହେରା ପ୍ରମୁଖଙ୍କୁ ଗିରଫ କରିଛି।
Popular Categories
Previous article
Next article