ବାସୁଦେବପୁର: କଶିଆ ଥାନା ପାରାପୋଖରୀ ଜେନା ସାହିରେ ଏକୋଇଶିଆ ପାଲା ପରିବେଷଣରେ ଖ୍ରୀଷ୍ଟଧର୍ମ ଆଲୋଚନାକୁ ନେଇ ଶନିବାର ସନ୍ଧ୍ୟାରେ ଉତେଜନା ଦେଖାଦେଇଛି। ଧର୍ମାନ୍ତିକରଣ କରାଯାଉଥିବା ଅଭିଯୋଗ କରି ସ୍ଥାନୀୟ ଯୁବକ ପାଲା ପରିବେଷଣକୁ ବନ୍ଦ କରି ଦେଇଥିବା ନଜରକୁ ଆସିଛି। ଘଟଣାକୁ ନେଇ ସାହିରେ ପ୍ରବଳ ଉତେଜନା ଦେଖାଦେଇଥିବା ବେଳେ ପୁଲିସ ପାଲା କରିବାକୁ ଆସିଥିବା ଖୋର୍ଦ୍ଧା ଅଂଚଳ ଗାୟକ ସମେତ ୬ ଜଣ ସାଥୀଙ୍କୁ ଅଟକ ରଖିଛି।
ସୁଚନା ଅନୁଯାୟୀ, ଶନିବାର ସନ୍ଧ୍ୟାରେ ପାରାପୋଖରୀ ଜେନା ସାହିର ଶିବ ଜେନାଙ୍କ ଘର ଆଗରେ ଏକୋଇଶିଆ ପାଲା ପରିବେଷଣ କରାଯାଉଥିଲା। ପାଲାରେ ଖ୍ରୀଷ୍ଟଧର୍ମ ବିଷୟରେ ଆଲୋଚନା କରାଯାଉଥିଲା। ଏହାକୁ ନେଇ ଗାଁରେ ଚାପା ଉତେଜନା ଦେଖାଦେଇଥିଲା। ସୁଶାନ୍ତ ରାଉତ ନାମ ଯୁବକ ଏହାକୁ ପ୍ରଥମେ ବିରୋଧ କରିବାରୁ ପାଲା ପରିବେଷଣ ସ୍ଥଳରେ ସ୍ଥାନୀୟ ଯୁବକ ସୁଶାନ୍ତକୁ ଠେଲାପେଲା କରିଥିଲେ। ଏହି ଘଟଣା ପ୍ରଚାର ହେବାପରେ ପାଲା ପରିବେଷଣ ସ୍ଥଳରେ ଭିଡ଼ ଜମିଥିଲା। ପାଲା ପରିବେଷଣ ଆଳରେ ଧର୍ମାନ୍ତିକରଣ କରାଯାଉଛି ଅଭିଯୋଗ କରି ଯୁବଗୋଷ୍ଠି ଘୋର ବିରୋଧ କରିଥିଲେ। ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ପାଲା ଗାୟକ ଓ ସାଥିଙ୍କୁ ଆଣି ଥାନାରେ ଅଟକ ରଖିଥିଲା। ସମ୍ପୂର୍ଣ୍ଣ ଘଟଣାକୁ ନେଇ ସ୍ଥାନୀୟ ଥାନାରେ ଶ୍ରୀ ରାଉତ ଲିଖିତ ଅଭିଯୋଗ କରିଛନ୍ତି। ପୁଲିସ ଅଭିଯୋଗ ଆଧାରରେ ଏକ ମାମଲା ରୁଜୁ କରି ନୋଟିସରେ ଛାଡ଼ି ଥିବା ଥାନା ଅଧିକାରୀ ସାବିତ୍ରୀ ପଣ୍ଡା କହିଛନ୍ତି।
ଫେବୃଆରୀରେ ବଡ ଯୋଗ ; ଏହି ରାଶି କିଣିବେ ନୂଆ ଘର,ଗାଡି, ସୁନା ଭଳି ଚମକିବ ଭାଗ୍ୟ..
