ମୁମ୍ବଇ : ବଲିଉଡର ଲୋକପ୍ରିୟ ଅଭିନେତା ସାହିଦ କପୁର ନିଜ ଦ୍ବିତୀୟ ମର୍ସିଡିଜ୍ ମେବ୍ୟାକ୍ ଜିଏଲଏସ୬୦୦ ଏସୟୁଭି କିଣିଛନ୍ତି । ପୂର୍ବରୁ ତାଙ୍କ ଗ୍ୟାରେଜରେ ଜିଏଲଏସ୬୦୦ ଏସୟୁଭି ଥିଲା । କିନ୍ତୁ ଏଥର ସେ ଅଧିକ ଦାମୀ ମଡେଲ ନାଇଟ୍ ସିରିଜ୍ ମେବ୍ୟାକ୍ କିଣିଛନ୍ତି ଯାହାର ଦାମ୍ ୪.୪ କୋଟି ଟଙ୍କା । ଏହା ଭାରତର ପ୍ରଥମ ମେବ୍ୟାକ୍ ଜିଏଲଏସ୬୦୦ ନାଇଟ୍ ସିରିଜ୍ ମଡେଲ ଯାହା ଏକ ଲିମିଟେଡ୍ ଏଡିସନ୍ ମଡେଲ ।
ନିକଟରେ ସାହିଦ କପୁର ନିଜ ନୂଆ ମେବ୍ୟାକ୍ ଚଲାଉଥିବା ନଜର ଆସିଥିଲେ । ଏହା ବ୍ୟତୀତ ସେ ମୁମ୍ବଇ ବିମାନବନ୍ଦରରେ ମଧ୍ୟ ଏହି ଗାଡି ସହିତ ନଜର ଆସିଥିଲେ । ଭିଡିଓକୁ ମେବ୍ୟାକଇନଇଣ୍ଡିଆ ନାମକ ଇନଷ୍ଟାଗ୍ରାମ ପେଜରୁ ସେୟାର କରାଯାଇଛି ।
View this post on Instagram
ଏଥିରେ ୧୨.୩ ଇଞ୍ଚର ଟଚସ୍କ୍ରିନ୍ ଇନଫୋଟେଣ୍ଟମେଣ୍ଟ ସିଷ୍ଟମ ମିଳିଥାଏ । ଏହା ବ୍ୟତୀତ ୨୭ ସ୍ପିକରର ହାଇ ଫିଡେଲିଟି ସାଉଣ୍ଡ ସିଷ୍ଟମ ମିଳିଥାଏ । ଏହା ସହିତ ୬୪ କଲର ଏମ୍ବିଏଣ୍ଟ ଲାଇଟିଂ ମିଳେ । କ୍ୟାପ୍ଟେନ୍ ସିଟ୍ ସହ ଭେଣ୍ଟିଲେସନ, ହିଟିଂ, ମସାଜ ଓ ରିକ୍ଲାଇନିଂ ଫଙ୍କସନ୍ ମଧ୍ୟ ମିଳିଥାଏ ।
ଏହି ଏସୟୁଭିରେ ୪.୦ ଲିଟର ଟ୍ବିନ୍ ଟର୍ବୋଚାର୍ଜ୍ଡ ଭି୮ ଇଞ୍ଜିନ ଦିଆଯାଇଛି ଯାହା ୫୫୦ ବିଏଚପିର ପାଓ୍ବର ଓ ୭୭୦ ଏନଏମର ଟର୍କ ଉତ୍ପନ କରିବାରେ ସକ୍ଷମ ହେବ । ଏହା ୯ ସ୍ପିଡ୍ ଅଟୋମେଟିକ୍ ଗିୟରବକ୍ସ ସହ ଆସିଥାଏ । କାର୍ ଭଳି ସାହିଦ ବାଇକର ମଧ୍ୟ ଦିଓ୍ବାନା । ନିକଟରେ ସେ ୧୧.୧୨ ଲକ୍ଷ ଟଙ୍କାର ଡୁକାଟି ସ୍କ୍ରାମ୍ବଲର ୧୧୦୦ ସ୍ପେଶାଲ ବାଇକ୍ କିଣିଥିଲେ ।
Comments are closed.