ନୂଆଦିଲ୍ଲୀ: ବିଦେଶୀ ନିବେଶକ ଚଳିତ ମାସରେ ଭାରତୀୟ ପୁଞ୍ଜି ବଜାରରୁ ୬ ବିଲିୟନ ଡଲାର ପ୍ରତ୍ୟାହାର କରି ନେଇଛନ୍ତି। ଫଳରେ ‘ନିଫ୍ଟି-୫୦’ ୯ ବର୍ଷ ମଧ୍ୟରେ ବର୍ଷର ଆରମ୍ଭରେ ସବୁଠାରୁ ଖରାପ ପ୍ରଦର୍ଶନ କରିଛି। ଏଭଳି ସ୍ଥିତିରେ ଘରୋଇ ନିବେଶକଙ୍କ ଭରସା ବହୁ ଗୁରୁତ୍ବ ବହନ କରୁଛି। କାରଣ ଲଗାତାର ୯ ବର୍ଷର ଭଲ ପ୍ରଦର୍ଶନ ପରେ ଭାରତୀୟ ପୁଞ୍ଜି ବଜାର ନୈରାଶ୍ୟଜନକ ପ୍ରଦର୍ଶନ କରୁଛି।
ପୂର୍ବରୁ ଭାରତୀୟ ପୁଞ୍ଜି ବଜାରରେ ବିଦେଶୀ ନିବେଶକ ପ୍ରମୁଖ କ୍ରେତା ଥିଲେ। ତେଣୁ ଘରୋଇ ନିବେଶକଙ୍କ ଉପରେ କେବେ ଏତେ ଅଧିକ ନିର୍ଭରଶୀଳତା ନ ଥିଲା। ତେବେ ଲଗାତାର ବିଦେଶୀ ନିବେଶକ ଭାରତୀୟ ପୁଞ୍ଜି ବଜାରରୁ ନିବେଶ ପ୍ରତ୍ୟାହାର କରିବା ଓ ବୈଶ୍ବିକ ବଜାରରେ ଅସ୍ଥିରତା ଦେଖାଦେଇଥିବାରୁ ଏବେ ଘରୋଇ ନିବେଶକ ଭରସା ପାଲଟିଛନ୍ତି। ଚଳିତ ମାସରେ ବିଦେଶୀ ନିବେଶକ ପ୍ରାୟ ୬ ବିଲିୟନ ଡଲାର ପ୍ରତ୍ୟାହାର କରି ନେଇଛନ୍ତି। ଫଳରେ ୯ ବର୍ଷ ମଧ୍ୟରେ ନିଫ୍ଟି-୫୦ ସବୁଠାରୁ ଖରାପ ସ୍ଥିତିରେ ରହିଛି। ଅନ୍ୟପକ୍ଷରେ ଘରୋଇ ସଂସ୍ଥା ଖୁଚୁରା ନିବେଶକ ପ୍ରମୁଖ କ୍ରେତା ପାଲଟିଛନ୍ତି। ସମାନ ଅବଧିରେ ଏମାନେ ୮ ବିଲିୟନ ଡଲାର ନିବେଶ କରିଛନ୍ତି। ଦେଶର ଇକ୍ୱିଟି ଉପରେ ସ୍ଥାନୀୟ ନିବେଶକଙ୍କ ବିଶ୍ୱାସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ନଅ ବର୍ଷ ଲଗାତାର ଲାଭ ପରେ ବଜାର ଏହାର ଚମକ ହରାଇବା ଆଶଙ୍କା କରୁଛି। ଡୋନାଲ୍ଡ ଟ୍ରମ୍ପଙ୍କ ରାଷ୍ଟ୍ରପତିତ୍ୱରେ ଉଚ୍ଚ ମୂଲ୍ୟାଙ୍କନ, କର୍ପୋରେଟ୍ ଆୟକୁ ମନ୍ଥର କରିବା ଏବଂ ଅନିଶ୍ଚିତତା ବୃଦ୍ଧି ପାଇଥିବା କାରଣରୁ ବିଶ୍ୱ ପ୍ରବାହ ଅସ୍ଥିର ହେଉଥିବା ସମୟରେ ସେମାନେ ଭାରତୀୟ ପୁଞ୍ଜି ବଜାରକୁ ସୁରକ୍ଷା ପ୍ରଦାନ କରୁଛନ୍ତି। ଭାରତୀୟ ପୁଞ୍ଜି ବଜାର ଏବେ ବି ଆମେରିକା ପରେ ବିଶ୍ୱର ସବୁଠାରୁ ମହଙ୍ଗା ବଜାର ରହିଛି।
