ନୂଆଦିଲ୍ଲୀ: ଆସନ୍ତା ୨୬ରେ ନୂଆଦିଲ୍ଲୀର କର୍ତ୍ତବ୍ୟପଥରେ ସାଧାରଣତନ୍ତ୍ର ଦିବସ ପରେଡ୍ ଆୟୋଜିତ ହେବାକୁ ଯାଉଛି। ତେବେ ପ୍ରଥମ ଥର ପ୍ରତିରକ୍ଷା ବିଭାଗର ତିନି ବାହିନୀ ଯଥା ସ୍ଥଳସେନା, ବାୟୁସେନା ଓ ନୌସେନାର ମିଳିତ ପ୍ରଜ୍ଞାପନ ମେଢ ଉକ୍ତ ପରେଡ୍ରେ ଅଂଶଗ୍ରହର କରିବାକୁ ଯାଉଛି।
ଫଳରେ ଏହି ତିନି ବାହିନୀର ପୃଥକ୍ ପ୍ରଜ୍ଞାପନ ମେଢ ଆଉ ଦେଖିବାକୁ ମିଳିବନି। ଏହାଦ୍ବାରା ତିନି ବାହିନୀ ମଧ୍ୟରେ ରହିଥିବା ସମନ୍ବୟକୁ ଏହା ପ୍ରତିପାଦନ କରିବ ବୋଲି କୁହାଯାଇଛି। ଏହା ବ୍ୟତୀତ ତିନି ବାହିନୀର ଆଧୁନିକୀକରଣ, ସଫଳତା ଏବଂ ଏକତା ସମ୍ପର୍କରେ ଜନସାଧାରଣ ସୂଚନା ପାଇପାରିବେ ବୋଲି ପ୍ରତିରକ୍ଷା ବିଭାଗ ପକ୍ଷରୁ କୁହାଯାଇଛି।
- Advertisement -
ଜାତୀୟ ନିରାପତ୍ତା ଦୃଷ୍ଟିକୋଣରୁ ସାଂପ୍ରତିକ ସମୟରେ ତିନି ବାହିନୀ ମଧ୍ୟରେ ସମନ୍ବୟ ରହିବା ନିତାନ୍ତ ଜରୁରୀ ହୋଇପଡିଛି। ଏହାବ୍ୟତୀତ ଏଭଳି ନିଷ୍ପତ୍ତି ଶତ୍ରୁପକ୍ଷ ଭାରତର ସାମରିକ ଶକ୍ତିକୁ ଆକଳନ କରିପାରିବେ ବୋଲି ଅନୁମାନ କରାଯାଉଛି।
