ଗୋପାଳପୁର : ଗୋଳନ୍ଥରା ଥାନା ଅଧିନସ୍ଥ ମାଝୀଗାଁ ଗ୍ରାମରେ ଛେଳି ଚୋରି କରିବା ମାମଲାରେ ବୁଧବାର ସନ୍ଧ୍ୟାରେ ଗୋଳନ୍ଥରା ଥାନା ପୁଲିସ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ମାନେ ବ୍ରହ୍ମପୁର ଟାଉନଥାନା ଅନ୍ତର୍ଗତ ଗାନ୍ଧୀ ନଗର ୭ ମ ଲେନ ର ଜି. ରାଜେଶ (୨୦) ଓ ସଦର ଥାନା ଅନ୍ତର୍ଗତ ଭାବିନିପୁର ମନ୍ସୁଦିର ସାହିର ସୁମନ ରାଉଳ(୨୨) ବୋଲି ପୁଲିସ ସୂଚନା ଦେଇଛି । ଖବର ଅନୁସାରେ ମାଝୀଗାଁ ଗ୍ରାମ ରାମେୟା ପାତ୍ର ଗୁହାଳରେ ଛେଳି ରଖିଥିଲେ । ୧୩ ତାରିଖ ରାତିରେ ଛେଳି ଚିତ୍କାର ଶୁଣି,ରାମେୟା ଉଠି ଦେଖିବା ବେଳେ ଗୋଟିଏ ଛେଳିକୁ ୩ ଜଣ ଯୁବକ ଏକ ମୋଟରସାଇକେଲ ଯୋଗେ ଧରି ଚମ୍ପଟ ମାରୁଥିଲେ। ରାମେୟା ଏହା ଦେଖି ଚିତ୍କାର କରିଥିଲେ । କିନ୍ତୁ ଯୁବକ ମାନେ ଛେଳି ଧରି ଚମ୍ପଟ ମାରିବାରେ ସକ୍ଷମ ହୋଇଥିଲେ। ଏ ନେଇ ରାମେୟା ୧୪ ତାରିଖରେ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ । ଘଟଣା ନେଇ ଥାନା ପକ୍ଷରୁ ୩୩/୨୫ ପ୍ରକାରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପୁଲିସ ଅଭିଯୁକ୍ତଙ୍କୁ ଚିହ୍ନଟ କରିବା ପରେ ସୁମନ ଓ ରାଜେଶକୁ ଉଠେଇ ନେଇ ସନ୍ଧ୍ୟାରେ ଉଭୟକୁ ଗିରଫ କରି କୋର୍ଟ ଚାଲାଣ କରିଛି । ଛେଳି ଚୋରି କରିବା ପରେ ୧୩ ହଜାର ଟଙ୍କା ମାଂସ ବଜାରରେ ବିକ୍ରି କରିଥିବା ନେଇ ଅଭିଯୁକ୍ତ ମାନେ ପୁଲିସ ନିକଟରେ ପ୍ରକାଶ କରିଥିଲେ । ଅନ୍ୟ ଅଭିଯୁକ୍ତ ଫେରାର ଥିବାବେଳେ ଖୁବ ଜଲଦି ଗିରଫ କରାଯିବା ବୋଲି ତଦନ୍ତ କାରି ଅଧିକାରୀ ଗଗନ କୁମାର ବେହେରା ସୂଚନା ଦେଇଛନ୍ତି ।
Popular Categories
Previous article
Next article