ସୁବର୍ଣ୍ଣପୁରରେ ଚାଞ୍ଚଲ୍ୟ : ଯୁବକଙ୍କୁ ଧାରୁଆ ଅସ୍ତ୍ରରେ ହାଣିଲେ, ଦେଢ଼ଲକ୍ଷ ଟଙ୍କା ଲୁଟିଲେ

ସୁବର୍ଣ୍ଣପୁର: ୪ରୁ ଅଧିକ ଦୁର୍ବୁତ୍ତ ଜଣେ ଯୁବକଙ୍କୁ ଧାରୁଆ ଅସ୍ତ୍ରରେ ହାଣି ଦେଢ଼ଲକ୍ଷ ଟଙ୍କା ଲୁଟି ନେଇଥିବା ସୂଚନା ମିଳିଛି। ବୀରମହାରାଜପୁର ଥାନା ଧର୍ମଶାଳା ଲେହେଡ଼ି ଛକ ନିକଟରେ ୪ଜଣ ଦୁର୍ବୁତ୍ତ ଜଣେ ଯୁବକଙ୍କୁ ଧାରୁଆ ଅସ୍ତ୍ରରେ ହାଣି ତାଙ୍କଠାରୁ ଦେଢ଼ଲକ୍ଷ ଟଙ୍କା ଲୁଟି ନେଇଛନ୍ତି। ୪ଜଣ ଦୁର୍ବୁତ୍ତଙ୍କ ଆକ୍ରମଣରେ ସମ୍ପୃକ୍ତ ଯୁବକ ଲହୁଲୁହାଣ ହୋଇଥିବାବେଳେ ଘଟଣାସ୍ଥଳରୁ ଗୋଟିଏ ଗୁଳି ମିଳିଛି। ଗୁରୁତର ଯୁବକଙ୍କୁ ସୁବର୍ଣ୍ଣପୁର ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ଓ ଲୁଟେରାମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।