ଫୁଲବାଣୀ: ଫିରିଙ୍ଗିଆ ବ୍ଲକ ମୁଖ୍ୟାଳୟଠାରେ ଲାଗିଥିବା ଜିଓ ଟାୱାର ସଠିକ୍ ଭାବେ ଇଣ୍ଟରନେଟ୍ ସେବା ଯୋଗାଇବାରେ ବିଫଳ ହୋଇଛି। କଥା ହେବା କଷ୍ଟକର ହୋଇ ପଡ଼ିଥିବାବେଳେ ଜିଓ ନେଟ୍ ସେବା ସମ୍ପୂର୍ଣ୍ଣ ଫେଲ୍ ମାରୁଛି। ଗତ କିଛିଦିନ ହେବ ଫିରିଙ୍ଗିଆ ବଜାରରେ ମଧ୍ୟ ଇଣ୍ଟରନେଟ୍ ଠିକ୍ ଭାବରେ ଚାଲୁ ନ ଥିବାବେଳେ ଗ୍ରାହକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏଥିପ୍ରତି ଜିଓ କର୍ତ୍ତୃପକ୍ଷ ମଧ୍ୟ କୌଣସି ଗୁରୁତ୍ବ ଦେଉନଥିବାରୁ ସାଧାରଣରେ ଗ୍ରାହକ ସେବା ପାଇବାରୁ ବଞ୍ଚିତ ହେଉଛନ୍ତି। ଜିଓ କର୍ତ୍ତୃପକ୍ଷଙ୍କୁ ଯୋଗାଯୋଗ କଲେ ଏଥିପ୍ରତି କୌଣସି ଗୁରୁତ୍ବ ଦେଉନାହାନ୍ତି। ଦିନର ଅଧିକାଂଶ ସମୟ ଠିକ୍ ଭାବରେ ଜିଓ ନେଟ୍ ଚାଲୁନାହିଁ। ବିଏସଏନଏଲ ସେବା ଫିରିଙ୍ଗିଆ ଅଞ୍ଚଳରେ ରହିଥିଲେ ମଧ୍ୟ ଅଧିକାଂଶ ଜିଓ ଗ୍ରାହକ ରହିଥିବାରୁ ସେମାନେ ବହୁ ଅସୁବିଧା ଭୋଗୁଛନ୍ତି। ତୁରନ୍ତ ଏହି ଜିଓ ନେଟ୍ ସେବାକୁ ଫିରିଙ୍ଗିଆରେ ଠିକ୍ ଭାବରେ ଯୋଗାଇ ଦେବାକୁ ଫିରିଙ୍ଗିଆ ଅଞ୍ଚଳବାସୀ ଦାବି କରିଛନ୍ତି। ଆଗାମୀ ଦିନରେ ଏହି ଜିଓ ସେବା ଠିକ୍ ଭାବରେ ଯୋଗାଇ ନ ଦେଲେ ବାଧ୍ୟହୋଇ ଆନ୍ଦୋଳନ କରିବେ ବୋଲି କିଛି ଜିଓ ଗ୍ରାହକଙ୍କ ସହ ଅଞ୍ଚଳବାସୀ ଦାବି କରିଛନ୍ତି।
