ନୂଆଦିଲ୍ଲୀ : ଭାରତରେ ଲୋକସଭା ନିର୍ବାଚନ ଫଳ ପ୍ରକାଶ ପାଇବା ପରେ ହିଁ ନୂଆ ସରକାର ସହ ଆଲୋଚନା ପାଇଁ ପ୍ରୟାସ କରିବୁ ବୋଲି ପାକିସ୍ତାନର ସୂଚନା ମନ୍ତ୍ରୀ ଫବାଦ ଚୌଧୁରୀ କହିଛନ୍ତି। ସେ କହିଛନ୍ତି ଯେ ବର୍ତ୍ତମାନର ଭାରତ ସରକାରଙ୍କଠାରୁ ବଡ଼ ନିଷ୍ପତ୍ତିର ଆଶା ନାହିଁ ଓ କଥାବାର୍ତ୍ତା ଉଦ୍ୟମ ନିରର୍ଥକ। ଭାରତ ସରାକାର ଏବେ ନିର୍ବାଚନ ପ୍ରସ୍ତୁତିରେ ଲାଗିଛନ୍ତି। ତେଣୁ କଥାବାର୍ତ୍ତା ପାଇଁ ଏହା ଅନୁକୂଳ ସମୟ ନୁହଁ। ଭାରତର ନୂଆ ସରକାର ଗଠନ ହେବା ପରେ ହିଁ କଥାବାର୍ତ୍ତା ପାଇଁ ପ୍ରୟାସ କରାଯିବ। ଭାରତ ସହ କଥାବାର୍ତ୍ତା ପାଇଁ ପ୍ରୟାସରେ ପାକିସ୍ତାନ ସରକାର ଡେରି କରିଦେଇଛନ୍ତି। ତେବେ ଭାରତରେ ନୂଆ ସରକାର ଆସିବା ପରେ ହିଁ ଆଲୋଚନା ପାଇଁ ପ୍ରୟାସ କରାଯିବ।
ପ୍ରକାଶଯୋଗ୍ୟ ଯେ ୨୦୧୬ ଉରୀ ଆତଙ୍କବାଦୀ ଆକ୍ରମଣ ପରେ ଭାରତ ଓ ପାକିସ୍ତାନ ସମ୍ପର୍କର ତିକ୍ତତା ବଢିଥିଲା। ଭାରତୀୟ ସେନା ପକ୍ଷରୁ ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ସର୍ଜିକାଲ ଷ୍ଟ୍ରାଇକ୍ କରାଯିବା ପରେ ଏହି ତିକ୍ତତା ଚରମ ସୀମାରେ ପହଞ୍ଚିଥିଲା। ୨୦୧୭ ପରଠାରୁ ଭାରତ ଏବଂ ପାକିସ୍ତାନ ମଧ୍ୟରେ କୌଣସି ଦ୍ୱିପାକ୍ଷିକ କଥାବାର୍ତ୍ତା ହୋଇନାହିଁ।
ଭାରତରେ ନୂଆ ସରକାର ଆସିବା ପରେ ହେବ କଥାବାର୍ତ୍ତା : ପାକ୍ ମନ୍ତ୍ରୀ
Popular Categories
Previous article
Next article