ବିଜୟ କୃଷ୍ଣ ମହାନ୍ତିଙ୍କ ସ୍ମୃତିରେ ଜୀବନବ୍ୟାପୀ ସାଧନା ପୁରସ୍କାର ନାଁ ପରିବର୍ତ୍ତନ କଲା ଏସଜିଏଟି

ଭୁବନେଶ୍ବର : ଦ ସୋସାଇଟି ଅଫ୍ ଜିଓସାଇଣ୍ଟିଷ୍ଟ୍ ଆଣ୍ଡ୍ ଆଲାଇଡ୍ ଟେକ୍ନୋଲୋଜିଷ୍ଟ(ଏସଜିଏଟି)ର  ପ୍ରତିଷ୍ଠାତା ସ୍ବର୍ଗତ ବିଜୟ କୃଷ୍ଣ ମହାନ୍ତିଙ୍କ ସ୍ମୃତିରେ କମ୍ପାନୀ ନିଜ ଜୀବନବ୍ୟାପୀ ସାଧନା ପୁରସ୍କାର ନାଁ ପରିବର୍ତ୍ତନ କରି ‘ବି.କେ ମହାନ୍ତି ମୋମୋରିଆଲ୍ ଏସଜିଏଟି ଆଓ୍ବାର୍ଡ’ ରଖିଛି । ଭୁବନେଶ୍ବର ସ୍ଥିତ ମେ ଫେୟାରରେ ପୁରସ୍କାର ବିତରଣ ଉତ୍ସବରେ ଏହି ପୁରସ୍କାରର ନାଁ ପରିବର୍ତ୍ତନ ହେବା ସହ ଭାରତୀୟ ଭୁବୈଜ୍ଞାନିକ ସର୍ବେକ୍ଷଣର ପୂର୍ବତନ ମହାନିର୍ଦ୍ଦେଶକ ଶିଶିର ଚନ୍ଦ୍ର ରଥଙ୍କୁ ଏହା ପ୍ରଦାନ କରାଯାଇଛି ।

ସ୍ବର୍ଗତ ବିଜୟକୃଷ୍ଣ ମହାନ୍ତିଙ୍କ ପୁଅ ସ୍ବରାଜ ମହାନ୍ତି, ସ୍ବଦେଶ ମହାନ୍ତି, କନ୍ୟା ରାଧା ମହାନ୍ତି ଏବଂ ବୋହୁ ଅଞ୍ଜଳି ମହାନ୍ତି, ଏହି ପୁରସ୍କାର ପ୍ରଦାନ କରିଛନ୍ତି । ଜୀବନବ୍ୟାପୀ ସାଧନା ପୁରସ୍କାରର ନାମକରଣ ନେଇ ଏସଜିଏଟିର ଯୁଗ୍ମ ସଚିବ କହିଥିଲେ କି ଏହା ବିଜୟକୃଷ୍ଣ ମହାନ୍ତିଙ୍କ ଦୃଷ୍ଟିକୋଣ ଓ ପରିଶ୍ରମ ଏହା ଫଳ । ଏହା ଆମ ସମସ୍ତଙ୍କୁ ଆଗକୁ ବଢିବାରେ ପ୍ରେରଣା ଦେବ ବୋଲି ସେ କହିଥିଲେ ।  ପୁରସ୍କାର ବିତରଣ ଉତ୍ସବରେ କାର୍ଯ୍ୟାଳୟର କର୍ମଚାରୀ, ବିଭିନ୍ନ କ୍ଷେତ୍ରର ମାନ୍ୟଗଣ୍ୟ ବ୍ୟକ୍ତି ଓ ଅନ୍ୟ ଅତିଥିବୃନ୍ଦ ଉପସ୍ଥିତ ଥିଲେ ।