ନୂଆଦିଲ୍ଲୀ : ପାର୍ଲେ-ଜି ବିସ୍କୁଟ ଦାମ୍ କମ୍ପାନୀ ତରଫରୁ ବଢିବାକୁ ଯାଉଛି । ଏକ ରିପୋର୍ଟରେ ସାମ୍ନାକୁ ଆସିଛି କି ଦେଶର ସବୁଠାରୁ ବଡ ଫୁଡ୍ ପ୍ରଡକ୍ଟ ପ୍ରସ୍ତୁତ କରୁଥିବା କମ୍ପାନୀ ପାର୍ଲେ ଉତ୍ପାଦ ଜାନୁୟାରୀ ୨୦୨୫ରୁ ୫ ପ୍ରତିଶତ ମହଙ୍ଗା ହେବାକୁ ଯାଉଛି । ଏହି ଦାମ୍ ବୃଦ୍ଧି ପାର୍ଲେ-ଜି ବିସ୍କୁଟ ସହିତ ଚକୋଲେଟ୍, ସ୍ନାକ୍ସ ଓ ଅନ୍ୟ ଖାଦ୍ୟ ପେୟ ସାମଗ୍ରୀ ଉପରେ ମଧ୍ୟ ପଡିବ । କମ୍ପାନୀ ତରଫରୁ କରାଯିବାକୁ ଥିବା ଏହି ପରିବର୍ତ୍ତନ ଜାନୁୟାରୀରୁ ଲାଗୁ କରାଯାଇପାରେ ।
ଏକ ରିପୋର୍ଟ ଅନୁସାରେ ପାର୍ଲେ ଉତ୍ପାଦ ତରଫରୁ ନିଜ ସବୁଠାରୁ ଶସ୍ତା ଓ କମ୍ ଦାମର ପ୍ୟାକେଟର ଓଜନ ମଧ୍ୟ କମ୍ କରାଯାଇପାରେ । ପାର୍ଲେ-ଜି ବିସ୍କୁଟର ଓଜନ ୫ରୁ ୧୦ ପ୍ରତିଶତ ପର୍ଯ୍ୟନ୍ତ ହ୍ରାସ ପାଇପାରେ । କଞ୍ଚା ମାଲ୍ ଖର୍ଚ୍ଚ ବଢୁଥିବାରୁ ଏବଂ ପାମ୍ ଅଏଲରେ ଆମଦାନୀ ଶୁଳ୍କ ବଢୁଥିବାରୁ ଦାମ୍ ଉପରେ ପ୍ରଭାବ ପଡୁଛି । ଚିନି, ଗହମ ଓ ଖାଦ୍ୟ ତେଲର ଦାମ୍ ଭାରୀ ବୃଦ୍ଧି ପାଉଛି । ବିସ୍କୁଟ ବ୍ୟତୀତ କମ୍ପାନୀ ନିକଟରେ ରସ୍କ ଓ କେକର ଦାମ୍ ମଧ୍ୟ ୭ରୁ ୮ ପ୍ରତିଶତ ବୃଦ୍ଧି କରିଥିଲା ।
Comments are closed.