କଳାପଥର (ବାଙ୍କୀ): ମହାନଦୀ ମଧ୍ୟଭାଗରେ ବୈଦ୍ୟେଶ୍ୱର-ଗୋପୀନାଥପୁର ଟିସେତୁ କଡ଼ରେ ସିଂହନାଥ ପୀଠରେ ମକରମେଳା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ତିନି ଦିନ ଅନୁଷ୍ଠିତ ହେବ ମକର ମେଳା। କଟକ ଜିଲ୍ଲାର ସର୍ବ ପୂରାତନ ଶୈବପୀଠ ରୂପେ ପରିଚିତ ଗୋପୀନାଥପୁର ମହାନଦୀର ମଧ୍ୟ ଭାଗରେ ପଥୁରିଆ ପାହାଡ଼ର ପାଦ ଦେଶରେ ବିରାଜିତ ବାବା ସିଂହନାଥ ପୀଠ। ପ୍ରତ୍ୟେକ ବର୍ଷ ମକର ସଂକ୍ରାନ୍ତି ଦିନ ଠାରୁ ପୀଠରେ ପାଳିତ ହୁଏ ମକର ମେଳା। ମକର ମେଳାକୁ ଶାନ୍ତି ଶୃଙ୍ଖଳାର ସହ କରିବା ଲାଗି ଆଜି ଦେବୋତ୍ତର ଅଧିକାରୀଙ୍କ ପକ୍ଷରୁ ବାବା ସିଂହନାଥ ପୀଠରେ ଥିବା ପର୍ଯ୍ୟଟନ ବ୍ୟାଖ୍ୟାନ କେନ୍ଦ୍ରରେ ଏକ ପ୍ରାକ୍ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ପ୍ରସ୍ତୁତି ବୈଠକରେ ମୁଖ୍ୟ ଅତିଥି ରୂପେ ବଡ଼ମ୍ବା – ନରସିଂହପୁର ବିଧାୟକ ବିଜୟ କୁମାର ଦଳବେହେରା ଯୋଗ ଦେଇଥିଲେ। ଏହି ପ୍ରସ୍ତୁତି ବୈଠକରେ ବଡ଼ମ୍ବା ତହସିଲଦାର ଶାଶ୍ୱତ ରଞ୍ଜନ ଦାସ, ବିଡ଼ିଓ ରମେଶ ଜେନା, ବଡମ୍ବା ଥାନା ଅଧିକାରୀ ସଞ୍ଜୟ କୁମାର୍ ଜେନା, ବ୍ଲକ୍ ଅଧ୍ୟକ୍ଷ ରଘୂପତି ମହାନ୍ତି, ୩୦ ନମ୍ବର ଜୋନ ଜିଲ୍ଲା ପରିଷଦ ସଭ୍ୟ ରବୀନ୍ଦ୍ର କୁମାର ସାହୁ, ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ବିଭୁଦତ୍ତ ପଟ୍ଟନାୟକ, ବାଙ୍କୀ ଡେପୁଟି କଲେକ୍ଟର, ଅଗ୍ନିଶମ ଅଧିକାରି, ବିଦ୍ୟୁତ୍ ବିଭାଗ ଅଧିକାରି, ପୂର୍ତ୍ତ ବିଭାଗ ଅଧିକାରୀ, ଇରିଗେଶନ ଅଧିକାରି , ସ୍ୱାସ୍ଥ୍ୟ ବିଭାଗ ଅଧିକାରି, ସ୍ଥାନୀୟ ସରପଞ୍ଚ ଯଯାତି କେଶରୀ ନାୟକ, ସମିତି ସଭ୍ୟ ଜିତେନ୍ଦ୍ର କୁମାର ମଲ୍ଲିକ, ସିଂହନାଥ ଉନ୍ନୟନ ପରିଷଦ ସଂପାଦକ ନିରଞ୍ଜନ ଶତପଥୀ, ମନ୍ଦିର ସେବାୟତଙ୍କ ସମେତ ସ୍ଥାନୀୟ ଅଞ୍ଚଳ ବାସୀ ଯୋଗ ଦେଇଥିଲେ।
Popular Categories
Previous article
Next article