ନୂଆଦିଲ୍ଲୀ: ଓଡ଼ିଆ ମହିଳା ଆଇନଜୀବୀ ରାଜଦୀପା ବେହୁରାଙ୍କୁ ଦିଲ୍ଲୀ ଉଚ୍ଚ ନ୍ୟାୟାଳୟ ଦ୍ୱାରା ବରିଷ୍ଠ ଆଇନଜୀବୀ ମାନ୍ୟତା ମିଳିଛି। ଏଭଳି ମାନ୍ୟତା ପାଇବାରେ ଆଇନଜୀବୀ ବେହୁରା ହେଉଛନ୍ତି ପ୍ରଥମ ଓଡ଼ିଆ ମହିଳା। ଏଥର ୭୦ ଜଣଙ୍କୁ ବରିଷ୍ଠ ଆଇନଜୀବୀ ମାନ୍ୟତା ପ୍ରଦାନ ପାଇଁ ଦିଲ୍ଲୀ ଉଚ୍ଚ ନ୍ୟାୟାଳୟ ସ୍ଥାୟୀ କମିଟି ନିଷ୍ପତ୍ତି ନେଇଛି। ୨୩ ବର୍ଷ ଧରି ଦିଲ୍ଲୀ ଉଚ୍ଚ ନ୍ୟାୟାଳୟ, ସର୍ବୋଚ୍ଚ ନ୍ୟାୟାଳୟ, ଓଡ଼ିଶା ଉଚ୍ଚ ନ୍ୟାୟାଳୟ ସମେତ ଦେଶର ଅନ୍ୟ ଉଚ୍ଚ ନ୍ୟାୟାଳୟରେ ଆଇନଜୀବୀ ରାଜଦୀପା ଓକିଲାତି ଜାରି ରଖିଛନ୍ତି। ଦେୱାନୀ, ଫୌଜଦାରୀ, କମ୍ପାନୀ ଆରବ୍ରିଟ୍ରେସନ, ଫେମା, ଫେରା, ପିଏମଏଲଏ ଏବଂ ପାରିବାରିକ ବିବାଦ ସମ୍ପର୍କିତ ମାମଲା ପରିଚାଳନାରେ ତାଙ୍କର ଅଭିଜ୍ଞତା ରହିଛି। ସମ୍ପ୍ରତି ସର୍ବୋଚ୍ଚ ନ୍ୟାୟାଳୟରେ ଉତ୍ତରପ୍ରଦେଶ ସରକାରଙ୍କ ପ୍ୟାନେଲ କାଉନସେଲ ଏବଂ ଓଡ଼ିଶା ସରକାରଙ୍କ ସ୍ପେଶାଲ କାଉନସେଲ, ଦିଲ୍ଳୀ ଉଚ୍ଚ ନ୍ୟାୟାଳୟରେ ପ୍ରବର୍ତ୍ତନ ନିର୍ଦେଶାଳୟର ରିଟେନର କାଉନସେଲ, ଜାତୀୟ ମାନବାଧିକାର ଆୟୋଗରେ ଓଡ଼ିଶା ସରକାରଙ୍କ ଷ୍ଟାଣ୍ଡିଂ କାଉନସେଲ ଓ ଏନଜିଟିରେ ଓଡ଼ିଶା ସରକାରଙ୍କ ପ୍ୟାନେଲ କାଉନସେଲ ଭାବେ ଆଇନଜୀବୀ ବେହୁରା କାମ କରୁଛନ୍ତି।
Popular Categories
Previous article
Next article