ପାଟଣା: ପାଟଣା ବଜାରରେ ଗୁଟଖା ଓ ତମାଖୁ ଜାତୀୟ ଦ୍ରବ୍ୟ ବିକ୍ରି ହେଉଥିବା ଦୋକାନଗୁଡ଼ିକରେ ପ୍ରଶାସନ ପକ୍ଷରୁ ବୁଧବାର ଚଢ଼ାଉ କରାଯାଇଥିଲା। ଏଥିରେ ପାଟଣା ବିଡିଓ ମାସନ କୁମାର ଦଣ୍ଡପାଟ, ଅତିରିକ୍ତ ତହସିଲଦାର ସରଣ କୁମାର ଜେନା, ପାଟଣା ଥାନା ଅଧିକାରୀ ଉଦୟବୀର କୁଲୁ, ଏଏସଆଇ ନୂଆସ ଲୁଗୁନ, ପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ଶୁଭେନ୍ଦୁ ସାଗର କୁମାର ନାଏକ, ପିଏଚଇଓ ସରୋଜିନୀ ସେଠୀଙ୍କ ସହିତ ପାଟଣା ପୁଲିସ ଓ ଅବକାରୀ ପୁଲିସ ପ୍ରମୁଖ ସାମିଲ ଥିଲେ। ପାଟଣା ବଜାରେ ଖୋଲାଖୋଲି ବିକ୍ରି ହେଉଥିବା ଗୁଟଖା, ତମାଖୁ ଜାତୀୟ ମାଦକ ଦ୍ରବ୍ୟ, ସିଗାରେଟ, ବିଡ଼ି, ଖଇନି ଆଦି ବିକ୍ରି ନ କରିବା ପାଇଁ ପରାମର୍ଶ ଦିଆଯାଇଥିଲା। ଏହି ସବୁ ତମାଖୁ ଜାତୀୟ ଦ୍ରବ୍ୟ ବ୍ୟବହାର ଦ୍ୱାରା ଯୁବପିଢ଼ି କର୍କଟ ଭଳି ମାରାତ୍ମକ ରୋଗରେ ଆକ୍ରାନ୍ତ ହେଉଥିବା ବେଳେ ବ୍ୟକ୍ତିମାନେ ଯୌନ ସମସ୍ୟା, ହୃଦ ରୋଗ, ଉଚ୍ଚ ରକ୍ତ ଚାପ, ମଧୁମେହ, ଗ୍ୟାସ,ଏସିଡିଟି ଭଳି ଗମ୍ଭୀର ରୋଗରେ ପଡି ଅସମୟରେ ପ୍ରାଣ ହରାଉଥିବା କୁହାଯାଇଥିଲା। ଏଥିରୁ ରକ୍ଷା ପାଇବା ପାଇଁ ଗୁଟଖା ଜାତୀୟ ଓ ତମାଖୁ ଜାତୀୟ ଜିନିଷଠାରୁ ଦୂରେଇ ରହିବା ଉଚିତ ବୋଲି ଅଧିକାରୀମାନେ କହିଥିଲେ। ଚଢ଼ାଉ ସମୟରେ ପାଟଣା ବଜାରରୁ ବହୁ ପରିମାଣରେ ଗୁଟଖା ଓ ସିଗାରେଟ ଜବତ କରାଯାଇଥିଲା।
Comments are closed.