ପାଟଣା : ପାଟଣା ବ୍ଲକ ଅନ୍ତର୍ଗତ ଯମୁନାପଶି ଗ୍ରାମ ପଞ୍ଚାୟତର ଯମୁନାପଶି ଗ୍ରାମରେ ୭୮ତମ ରାହାସ ମହୋତ୍ସବ ଉଦଯାପିତ ହୋଇଯାଇଛି। ଶନିବାର ଏବଂ ରବିବାର ରାତିରେ ନୃତ୍ୟ ଏବଂ ସଙ୍ଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ୪୫ଜଣ ନୃତ୍ୟ ଏବଂ ସଙ୍ଗୀତ ଶିଳ୍ପୀ ଭାଗ ନେଇଥିଲେ। ପ୍ରତିଯୋଗୀ ମାନଙ୍କୁ ଦୁଇଟି ଗ୍ରୁପରେ ଭାଗ କରାଯାଇଥିଲା। ଜୁନିୟର ଗ୍ରୁପରେ ଗୋଡ଼ି ପୋଖରୀ ଗ୍ରାମର ବନୀତା ପ୍ରିୟଦର୍ଶିନୀ ନାଏକ ପ୍ରଥମ, ସେହି ଗୋଡ଼ି ପୋଖରୀ ଗ୍ରାମର ମହାବୀର ଡ୍ୟାନ୍ସ ଗ୍ରୁପ ଦ୍ବିତୀୟ,ଖିରେଇଟାଙ୍ଗିରୀ ଗ୍ରାମର ନିଜାମ୍ ନାଏକ ତୃତୀୟ ଏବଂ ସିନିଅର ଗ୍ରୁପ୍ରରେ ମୁରୁସୁଆଁର ଅଶୋକ ଡ୍ୟାନ୍ସ ଗ୍ରୁପ୍ ପ୍ରଥମ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ।
ରାହାସ ପୂଜା କମିଟିର ସଭାପତି ଦୀପକ ମହାପାତ୍ର,ସମ୍ପାଦକ ହେମନ୍ତ ମହାପାତ୍ର, ବେଣୁଧର ସର୍ଦ୍ଦାର, ନିରାକାର ନାଏକ, ମଧୁସୂଦନ ମହାପାତ୍ର, ବୁଲୁ କୁମାର ମହାପାତ୍ର, ଚକ୍ରଧର ମହାକୁଡ଼, ଗୋକୁଳ ଚନ୍ଦ୍ର ନାଏକ, ଅଭିମନ୍ୟୁ ନାଏକ ଏବଂ ଶରତ ଚନ୍ଦ୍ର ନାଏକ ପ୍ରମୁଖ କାର୍ଯ୍ୟକ୍ରମକୁ ସହଯୋଗ କରିଥିଲେ। ରବିବାର ସନ୍ଧ୍ୟା ସମୟରେ ରାଧା କୃଷ୍ଣ ଏବଂ ସହଚର-ସହଚରୀଙ୍କ ମୃଣ୍ମୟ ମୂର୍ତ୍ତିଙ୍କୁ ବିସର୍ଜନ କରାଯାଇଥିଲା। ନୃତ୍ୟ ଏବଂ ସଙ୍ଗୀତ ପ୍ରତିଯୋଗିତା ଦେଖିବାକୁ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା।
Comments are closed.