କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡ଼ା ପଞ୍ଚାୟତର ପଣସଗୁଡ଼ା ଗ୍ରାମର ଲୋକମାନେ ଏକାଠି ହୋଇ ଜନଜାଗରଣ ମଞ୍ଚ ପକ୍ଷରୁ ଘରବାରି ପଟ୍ଟା ପ୍ରଦାନ କରିବା ନିମନ୍ତେ ତହସିଲଦାର ରଞ୍ଜନ କୁମାର ମାନସେଠଙ୍କୁ ଲିଖିତ ଅଭିଯୋଗ କରିଛନ୍ତି। ପଣସଗୁଡ଼ା ଗ୍ରାମରେ ପ୍ରାୟ ୩୦ରୁ ଊର୍ଦ୍ଧ୍ବ ପରିବାର ଦୀର୍ଘ ୩୦ବର୍ଷ ଧରି ବସବାସ କରି ଆସୁଛନ୍ତି। ଏହି ପରିବାରମାନଙ୍କୁ ଆଜି ପର୍ଯ୍ୟନ୍ତ ଘରବାରି ପଟ୍ଟା ନ ମିଳିବାରୁ ଜନ ଜାଗରଣ ମଞ୍ଚ ସହାୟତାରେ ଗ୍ରାମର ପ୍ରାୟ ୭୦ଜଣ ମହିଳା ପୁରୁଷ ଏକତ୍ରିତ ହୋଇ ରାଜସ୍ୱ ନିରୀକ୍ଷକଙ୍କ ନିକଟକୁ ଯାଇଥିଲେ। ସେଠାରୁ କୌଣସି ସୁଫଳ ନମିଳିବାରୁ ବୁଧବାର ସ୍ଥାନୀୟ ତହସିଲ କାର୍ଯ୍ୟାଳୟକୁ ଆସି ତହସିଲଦାର ରଞ୍ଜନ କୁମାର ମାନସେଠଙ୍କୁ ସାକ୍ଷାତ କରି ଲିଖିତ ଅଭିଯୋଗ ଦେବାକୁ ଆସିଥିଲେ। ତେବେ ତହସିଲଦାର କୌଣସି କାରଣରୁ ବାହାରକୁ ଯାଇଥିବା ଯୋଗୁଁଁ କାର୍ଯ୍ୟାଳୟ ପରିସରରେ ଥିବା ଡାକ ବାକ୍ସରେ ଅଭିଯୋଗ ପତ୍ର ପକାଇ ଦେଇଥିଲେ। ଏହି ସମସ୍ୟାକୁ ଦୃଷ୍ଟିଗୋଚର କରି ସ୍ଥାୟୀ ସମାଧାନ କରାଯାଉ ବୋଲି ଲିଖିତ ଭାବେ ଦାବି ଜଣାଇଛନ୍ତି।
Popular Categories
Previous article
Next article