ଗୋରୁ ମାଫିଆଙ୍କ ଗାଡ଼ି ଭାଙ୍ଗିଲେ ଉତ୍ତ୍ୟକ୍ତ ଲୋକେ

ସମାଜ ଡିଜିଟାଲ ଡେସ୍କ: ରାତି ଅଧରେ ବୁଲା ଗୋରୁଙ୍କୁ ଧରି ଚାଲାଣ କରିବାକୁ ହେଉଥିଲା ଯୋଜନା। ହେଲେ ଗ୍ରାମବାସୀଙ୍କ ନଜରରେ ପଡ଼ିଗଲେ ଗୋରୁ ମାଫିଆ। ଏଭଳି ଏକ ଘଟଣା ଘଟିଛି ଭଦ୍ରକ ଜିଲା କେନ୍ଦୁଆପଦା ଫାଣ୍ଡି ଅନ୍ତର୍ଗତ ଗଣ୍ଡଗରା ଗ୍ରାମ ନିକଟରେ। ଲୋକଙ୍କୁ ଦେଖି ଗୋରୁ ମାଫିଆ ଗାଡ଼ି ଛାଡ଼ି ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଉତ୍ତ୍ୟକ୍ତ ଲୋକେ ସେମାନଙ୍କ ଗାଡ଼ି ଭଙ୍ଗାରୁଜା କରିବା ସହିତ ପୁଲିସକୁ ଖବର ଦେଇଛନ୍ତି। ଉତ୍ତ୍ୟକ୍ତ ଲୋକେ ଗୋରୁ ମାଫିଆଙ୍କ ଏକ ସ୍କର୍ପିଓ ଏବଂ ବାଇକ ଭାଙ୍ଗି ଦେଇଛନ୍ତି। ଏହି ଅଞ୍ଚଳରେ ପୂର୍ବରୁ ଗୋରୁ ମାଫିଆ ଏଭଳି କାର୍ଯ୍ୟ କରିଆସୁଥିବା ସୂଚନା ମିଳିଛି।