ନୂଆଦିଲ୍ଲୀ : ଦୀପାବଳି ଶେଷ ହେବା ମାତ୍ରେ ଲୋକଙ୍କ ଉପରେ ହୋଇଛି ମହଙ୍ଗା ମାଡ। ୧ ନଭେମ୍ବରରୁ ବଢିଛି ଗ୍ୟାସ ସିଲିଣ୍ଡର ଦର। ତୈଳ କମ୍ପାନୀ ଗୁଡିକ ପହିଲାରୁ ଗ୍ୟାସ ସିଲିିଣ୍ଡର ଦାମ୍ରେ ପରିବର୍ତ୍ତନ କରିଥାନ୍ତି। ୧୯ କିଲୋ ଏଲପିଜି ସିଲିଣ୍ଡର ଦାମ୍ରେ ୬୨ ଟଙ୍କା ବୃଦ୍ଧି କରାଯାଇଛି ।
୧୯ କେଜି ବ୍ୟବସାୟିକ ଏଲପିଜି ସିଲିଣ୍ଡରରେ ୬୨ ଟଙ୍କା ବୃଦ୍ଧି କରାଯାଇଥିବା ବେଳେ ଘରୋଇ ସିଲିଣ୍ଡର ଦାମରେ ପରିବର୍ତ୍ତନ କରାଯାଇ ନାହିଁ ।
ଦିଲ୍ଲୀରେ ପୂର୍ବରୁ ୧୭୪୦ ଟଙ୍କାରେ ମିଳୁଥିବା ସିଲିଣ୍ଡର ଦାମ୍ ବର୍ତ୍ତମାନ ୧୮୦୨ ଟଙ୍କାରେ ମିଳିବ। ଲଗାତାର ଚାରି ମାସ ହେବ ୧୯ କିଲୋ ସିଲିଣ୍ଡର ଦାମ୍ ବୃଦ୍ଧି ହୋଇଛି । କଲକାତାରେ ସିଲିଣ୍ଡର ଦାମ୍ ୧୯୧୧.୫୦ ଟଙ୍କା । ମୁମ୍ବାଇରେ ୧୭୫୪.୫୦ ଟଙ୍କାରେ ପହଞ୍ଚି ସାରିଛି । ସେହିପରି ଚେନ୍ନାଇରେ ୧୯୬୪ ଟଙ୍କାରେ ମିଳିବ । ରେସ୍ତୋରାଁ, ହୋଟେଲ ଆଦିରେ ଏହାର ବ୍ୟବହାର ହୋଇଥାଏ । ବ୍ୟବସାୟିକ ସିଲିଣ୍ଡର ଦାମ୍ ବୃଦ୍ଧି ହେଉଥିବାରୁ ଖାଦ୍ୟ-ପେୟ ଦାମ୍ ମହଙ୍ଗା ହେବା ନେଇ ଆଶଙ୍କା କରାଯାଉଛି।
ନଭେମ୍ବର ମାସରେ ରାଜଯୋଗ; ଶୁକ୍ର-ଶନି ଏହି ରାଶିଙ୍କୁ କରିବେ ଭାଗ୍ୟଶାଳୀ, ଚମକିବ ଭାଗ୍ୟ, ମିଳିବ ହଠାତ୍ ଧନ..
ତୈଳ କମ୍ପାନୀ ଗୁଡିକ ପ୍ରତ୍ୟେକ ମାସର ପହିଲାରେ ସିଲିଣ୍ଡର ଦାମ୍ରେ ପରିବର୍ତ୍ତନ କରି ଥାଆନ୍ତି । କମ୍ପାନୀ ଏହାର ପୂର୍ବରୁ ଅଗଷ୍ଟରେ ଦାମ୍ ୬.୫୦, ସେପ୍ଟେମ୍ବରରେ ୩୯ ଟଙ୍କା ଓ ଅକ୍ଟୋବରରେ ୪୮.୫ ଟଙ୍କା ବୃଦ୍ଧି କରିଥିଲା ।
ସକାଳୁ ସକାଳୁ ଟ୍ୱିନ୍ ସିଟିରେ ପ୍ରବଳ ବର୍ଷା; ୩ ଘଣ୍ଟା ପାଇଁ ଏହି ଜିଲାକୁ ୟେଲୋ ୱାର୍ଣ୍ଣିଂ ଜାରି..
