ଦେଖନ୍ତୁ ଭିଡିଓ: ସ୍କୁଟିରେ ବାଣ ନେଇ ଯାଉଥିଲେ ମହିଳା, ବିସ୍ଫୋରଣ ଘଟି ଚାଲିଗଲା ଜୀବନ

ସମାଜ ଡିଜିଟାଲ ଡେସ୍କ: ଦୀପାବଳି ପାଇଁ ସାରା ଦେଶ ଉତ୍ସବ ମୁଖର। ପ୍ରଦୂଷଣକୁ ଅଣଦେଖା କରି ଅଧିକାଂଶ ଲୋକ ବାଣ ଫୁଟାଇ ମଜା ନିଅନ୍ତି। ହେଲେ ଏହି ବାଣ କିପରି  ଜୀବନ ନେଉଛି ତାହାର ଏକ ଛାତିଥରା ଦୃଶ୍ୟ ଆସିଛି ସାମ୍ନାକୁ। ଜଣେ ମହିଳା ସ୍କୁଟିରେ ବାଣ ନେଇ ଯାଉଥିବାବେଳେ ବିସ୍ଫୋରଣ ଘଟିବାରୁ ପ୍ରାଣ ହରାଇଛନ୍ତି। ଘଟଣାଟି ଘଟିଛି ଆନ୍ଧ୍ରପ୍ରଦେଶର ତାନୁକୁ ଅଞ୍ଚଳରେ।

ସିସିଟିଭିରେ କଏଦ ହୋଇଥିବା ଭିଡିଓଟିରେ ଦେଖିବାକୁ ମିଳିଛି ଯେ, ରାସ୍ତା ପାର୍ଶ୍ବରେ ଏକ ସ୍ପିଡ୍‌ ବ୍ରେକର ନିକଟରେ ୫ ଜଣ ଯୁବକ ଛିଡ଼ା ହୋଇ କଥାବର୍ତ୍ତା ହେଉଛନ୍ତି। ଏହି ସମୟରେ ଏକ ସ୍କୁଟି ଯାଉଛି। ସ୍କୁଟିକୁ ଜଣେ ବ୍ୟକ୍ତି ଚଳାଉଥିଲେ ଏବଂ ପଛରେ ବସିଥିଲେ ଜଣେ ମହିଳା। ମଝିରେ ରହିଥିଲା ବାଣ ଭର୍ତ୍ତି ବ୍ୟାଗ। ଗାଡ଼ିଟି ସ୍ପିଡ୍‌ ବ୍ରେକରରେ ମାଡ଼ ହେବା ସମୟରେ ହଠାତ୍ ବାଣ ଭର୍ତ୍ତି ବ୍ୟାଗ ବିସ୍ଫୋରଣ ଘଟିଥିଲା। ଘଟଣାସ୍ଥଳରେ ବାଣ ଧରି ବସିଥିବା ମହିଳାଙ୍କ ମୃତ୍ୟୁ ଘଟିଥିଲା। ରାସ୍ତାପାର୍ଶ୍ବରେ ଛିଡ଼ା ହୋଇଥିବା ୫ ଯୁବକଙ୍କ ସହିତ ସ୍କୁଟି ଚାଳକ ଆହତ ହୋଇଛନ୍ତି। ଚନ୍ଦ୍ରମଉଳି ନାମକ ଜଣେ ବ୍ୟକ୍ତି ନିଜ ଏକ୍ସ ଆକାଉଣ୍ଟରେ ଏହି ଭିଡିଓ ଶେୟାର କରିଛନ୍ତି।

A woman died when Diwali crackers (onion bombs) she was carrying exploded. This heartbreaking CCTV footage has emerged from Tanuku in Andhra Pradesh. In this accident, scooter rider and five others injured while pillion rider died in the blast.#Diwali #Diwalicrackers #Accident… pic.twitter.com/NAUy1pG2ED

— V Chandramouli (@VChandramouli6) November 1, 2024