ଗୁରୁଡିଝାଟିଆ: ଖୁଣ୍ଟୁଣୀ ଥାନା ରାଧାକୃଷ୍ଣପୁର ପଞ୍ଚାୟତର ରାହାଙ୍ଗୁଳ ଗ୍ରାମର ବାବୁଲା ନାଏକ (୫୫) ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ନରେଶ ନାଏକ (୨୫)କୁ ତିଗିରିଆ ଥାନା ଅନ୍ତର୍ଗତ ଗୋଖୋନଖୋଲ ଜଙ୍ଗଲରୁ ପୁଲିସ ଗିରଫ କରିଛି । ଅଭିଯୁକ୍ତ ନରେଶକୁ ହାଜତ ଚାଲାଣ କରାଯାଇଛି । ଗତ ଅଗଷ୍ଟ ମାସ ୧୭ ତାରିଖ ଦିନ ସାମାନ୍ୟ ବଚସାକୁ କେନ୍ଦ୍ର କରି ମୁଖ୍ୟ ଅଭିଯୁକ୍ତ ନରେଶ ଓ ତାର ବାପା ହୃଦାନନ୍ଦ ମିଶି କରି ବାବୁଲାକୁ ଗୋଡାଇ ଗୋଡାଇ ମରଣାନ୍ତକ ଆକ୍ରମଣ କରିଥିଲେ। ଚିକିତ୍ସାଧିନ ଅବସ୍ଥାରେ ବାବୁଲାର ମୃତ୍ୟୁ ଘଟିଥିଲା । ଏହି ଘଟଣାରେ ପୂର୍ବରୁ ମୁଖ୍ୟ ଅଭିଯୁକ୍ତ ନରେଶର ବାପା ହୃଦାନନ୍ଦକୁ ପୁଲିସ ଗିରଫ କରିଥିଲା । ଥାନା ଅଧିକାରୀ ରବିନାରାୟଣ ବେହେରା ବିଶେଷ ସୁତ୍ରରୁ ଖବର ପାଇ ଉପନିରୀକ୍ଷ ଡଃ ବିକାଶ କୁମାର ସେଠୀଙ୍କ ସହିତ ମିଳିତ ଭାବେ ତିଗିରିଆର ଗୋଖୋନଖୋଲ ଜଙ୍ଗଲରେ ଚଢାଉ କରି ଅଭିଯୁକ୍ତ ନରେଶକୁ ଧରିଥିଲେ ।
୫୦୦ ବର୍ଷ ପରେ ଦୀପାବଳିରେ ଅଦ୍ଭୁତ ସଂଯୋଗ, ଏହି ରାଶି ହେବେ ଭାଗ୍ୟଶାଳୀ, ହଠାତ୍ ମିଳିବ ଧନ..
