ସମ୍ବଲପୁର: ଜିଲା ବର୍ଷିୟାନ କ୍ରିଡା ସଂଘ ସମ୍ବଲପୁର ଆନୁକୂଲ୍ୟରେ ସ୍ଥାନୀୟ ସିଂହପାଲି-କାଈଁଶିର କ୍ରିଡା ପ୍ରାଙ୍ଗଣରେ ୨୫ତମ ସୈରେନ୍ଦ୍ରୀ ନାୟକ ଟ୍ରଫି-୨୦୨୪ ଆନ୍ତଃ ହାଇସ୍କୁଲ ଫୁଟବଲ ପ୍ରତିଯୋଗିତାରେ ସୋମବାର ୨ଟି ସେମି ଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଛି। ପ୍ରଥମ ମ୍ୟାଚ ଚନ୍ଦ୍ରଶେଖର ବେହେରା ଜିଲା ସ୍କୁଲ ଓ ସେଭେନ ହିଲ୍ସ ପବ୍ଲିକ ସ୍କୁଲ ମଧ୍ୟରେ ହୋଇଥିଲା। ଜିଲା ସ୍କୁଲ ଦଳ ୩-୦ ଗୋଲରେ ସେଭେନ ହିଲ୍ସ ଦଳକୁ ହରାଇ ଫାଇନାଲ ଖେଳିବାକୁ ଉତ୍ତିର୍ଣ୍ଣ ହୋଇଛି। ଜିଲା ସ୍କୁଲ ଦଳ ପକ୍ଷରୁ ସୁମିତ ଭୋଇ ୨ଟି ଏବଂ ରିଚାର୍ଡ ବାରା ଗୋଟିଏ ଗୋଲ ଦେଇଥିଲେ। ସେହିଭଳି ଦ୍ୱିତୀୟ ମ୍ୟାଚ ଇନ୍ଦିରା ଗାନ୍ଧୀ ଆଞ୍ଚଳିକ ହାଇସ୍କୁଲ, ମୁଣ୍ଢେନପାଲି ଓ ଚିପଲିମା ଉଚ୍ଚ ମାଧ୍ୟମିକ ବିଦ୍ୟାଳୟ ମଧ୍ୟରେ ଆୟୋଜିତ ହୋଇଥିଲା। ଏଥିରେ ମୁଣ୍ଢେନପାଲି ଦଳ ୩-୦ ଗୋଲରେ ଚିପଲିମା ସ୍କୁଲ ଦଳକୁ ହରାଇ ଫାଇନାଲ ଖେଳିବାକୁ ଯୋଗ୍ୟତା ହାସଲ କରିଛି।
ମୁଣ୍ଢେନପାଲି ଦଳ ପକ୍ଷରୁ ପ୍ରକାଶ ବଇଗା ୨ଟି ଓ ରାଜେଶ ମାଝୀ ଗୋଟିଏ ଗୋଲ ଦେଇଥିଲେ। ଏହି ଅବସରରେ ମୁଖ୍ୟ ଅତିଥି ରୂପେ ମହାନଗର ନିଗମର କମିଶନର ବେଦଭୂଷଣ ରୂପେ ଯୋଗ ଦେଇଥିଲେ। ଖେଳକୁ ରେଫରୀ ରୂପେ ମଥୁରା ଓରାମ, ଜଳେନ୍ଦ୍ ଓରାମ, ଜଗେନ୍ଦ୍ର ଓରାମ, ମନୋଜ ଭୋଇ, ଓ ଶାନ୍ତା ରନବିଡା ପରିଚାଳନା କରିଥିଲେ। ପ୍ରତିଯୋଗିତାକୁ ସଂଘର ସମସ୍ତ ପଦାଧିକାରୀ ଓ ସଦସ୍ୟ ପରିଚାଳନା ଓ ଆୟୋଜନରେ ସହଯୋଗ କରୁଛନ୍ତି। ମଙ୍ଗଳବାର ଏହି ପ୍ରତିଯୋଗିତାର ଫାଇନାଲ ମ୍ୟାଚ ଚନ୍ଦ୍ରଶେଖର ବେହେରା ଜିଲା ସ୍କୁଲ ଓ ଇନ୍ଦିରା ଗାନ୍ଧୀ ଆଞ୍ଚଳିକ ବିଦ୍ୟାଳୟ, ମୁଣ୍ଢେନପାଲି ମଧ୍ୟରେ ଅନୁଷ୍ଠିତ ହେବ।
Comments are closed.