ସମ୍ବଲପୁର : ସମ୍ବଲପୁରରୁ ହୀରାକୁଦ ଯାଇଥିବା ରେଳ ଧାରଣା ପାର୍ଶ୍ବରୁ ଏକ ଅଜଣା ବୃଦ୍ଧ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି। ଜିଆରପିର ସୂଚନାନୁଯାୟୀ, ଦୁର୍ଗାପାଲି ଠାରେ ଥିବା ରେଳବାଇ କ୍ରସିଂ ନିକଟରେ ରବିବାର ଏକ ଅଜଣା ବୃଦ୍ଧଙ୍କ ମୃତଦେହ ପଡ଼ିଥିବାର ଖବର ପାଇ ପୁଲିସ ଘଟଣାସ୍ଥଳକୁ ପହଞ୍ଚିଥିଲା।
ମୃତଦେହକୁ ଜିଆରପି ହେପାଜତରେ ନେଇ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଏ ନେଇ ଏକ ମାମଲା ଥାନାରେ ରୁଜୁ କରିଛି। ବୃଦ୍ଧ ଜଣକ କୌଣସି ଏକ ରେଳଗାଡିରୁ ଖସି ପଡ଼ି ମୃତ୍ୟୁବରଣ କରିଥିବାର ଅନୁମାନ କରାଯାଉଥିବା ବେଳେ ମୃତକଙ୍କ ବୟସ ଆନୁମାନିକ ୭୦ ବର୍ଷ ହୋଇଥିବା ବୋଲି ଜିଆରପି କହିଛି।
Comments are closed.