ପୁରୀ/ବାଲେଶ୍ଵର: ବାତ୍ୟା ପ୍ରଭାବରେ ପୁରୀ ଏବଂ ବାଲେଶ୍ଵର ଜିଲାରେ ପ୍ରବଳ ବର୍ଷା ହୋଇଛି। ପୁରୀ ଜିଲାରେ ସର୍ବାଧିକ ୨୮୩ ମିମି ବର୍ଷା ହୋଇଥିବାବେଳେ ବାଲେଶ୍ଵର ଜିଲାରେ ଶନିବାର ସକାଳ ୭ଟାରୁ ୯ଟା ମଧ୍ୟରେ ୨୨୭ ମିମି ବର୍ଷା ରେକର୍ଡ କରାଯାଇଛି।
ପୁରୀ ଜିଲାର କୃଷ୍ଣପ୍ରସାଦରେ ସର୍ବାଧିକ ୩୯ ମିମି ବର୍ଷା ହୋଇଥିବାବେଳେ କଣାସରେ ୩୩, ପିପିଲିରେ ୩୦.୫, ବ୍ରହ୍ମଗିରିରେ ୨୯, ଅସ୍ତରଙ୍ଗରେ ୨୫, ଡେଲାଙ୍ଗ ୨୪, ଗୋପ ୨୨, କୋଣାର୍କ ୨୦, ନିମାପଡ଼ା ୧୮.୫, ପୁରୀ ୧୭, ସତ୍ୟବାଦୀ ୧୪ ଏବଂ କାକଟପୁର ବ୍ଲକରେ ୧୧.୫ ମିମି ବର୍ଷା ରେକର୍ଡ କରାଯାଇଛି।
ସେହିପରି ବାଲେଶ୍ଵର ଜିଲାର ସୋରରେ ସର୍ବାଧିକ ୬୦ ମିମି ବର୍ଷା ହୋଇଥିବାବେଳେ ଔପଦାରେ ୪୯ ମିମି, ବାଲେଶ୍ଵରରେ ୩୨ ମିମି, ବାହାନଗାରେ ୨୭ ମିମି, ସିମୁଳିଆରେ ୨୩ ମିମି ବର୍ଷା ହୋଇଛି। ଏହାବ୍ୟତୀତ ନୀଳଗିରିରେ ୧୩ ମିମି, ଖଇରାରେ ୧୧ ମିମି, ରେମୁଣାରେ ୭, ବସ୍ତାରେ ୩ ଏବଂ ଜଳେଶ୍ଵର ଓ ବାଲିଆପାଳରେ ୧ ମିମି ଲେଖାଏ ବର୍ଷା ହୋଇଛି। ଜିଲାରେ ହାରାହାରି ୧୮.୯୧ ମିମି ବର୍ଷା ରେକର୍ଡ କରାଯାଇଥିବା ପ୍ରଶାସନ ପକ୍ଷରୁ ସୂଚନା ମିଳିଛି।
