ହରଭଙ୍ଗା: ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ ପୁରୁଣାକଟକ-ତିଲେଶ୍ୱର ରେଲେଓ ଲେବୁଲ କ୍ରସିଂ ପାଇଁ ଏକ ଓଭର ବ୍ରିଜ ନିର୍ମାଣ ସରିଛି। ଉକ୍ତ ଓଭରବ୍ରିଜ ସଂଯୋଗ ରାସ୍ତା ନିର୍ମାଣଧିନ ଥିବାବେଳେ ବୁଧୁବାର ସଂନ୍ଧ୍ୟାରେ ଏକ ବଡ ଅଘଟଣ ଘଟିଛି। ଜଣେ ଅଣ ଓଡିଆ ଶ୍ରମିକ କାମ କରୁଥିବା ସମୟରେ ଡି.ଜି ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଘଟିଥିବା ଜଣାପଡ଼ିଛି। ମୃତ ଶ୍ରମିକ ଜଣଙ୍କ ଝାଡଖଣ୍ଡ ଗିରିଡି ଅଞ୍ଚଳର ମହମ୍ମଦ ମୀନାଜ ଅଂସାରୀ(୨୦) ବୋଲି ସୂଚନା ମିଳିଛି।
ପୁରୁଣାକଟକ –ତିଲେଶ୍ୱର ରାସ୍ତାରେଲେଓ ଲେବୁଲ କ୍ରସିଂ ପାଇଁ ଏସ.ଆର.ସି ନାମକ ଠିକାସଂସ୍ଥା ପକ୍ଷରୁ ଓଭରବ୍ରିଜ ସଂଯୋଗ ରାସ୍ତା ନିର୍ମାଣଧିନ ରହିଛି। ଓଭରବ୍ରିଜ ସଂଯୋଗ ରାସ୍ତାର ପାଦଚଲା ରାସ୍ତା ନିର୍ମାଣ କାର୍ଯ୍ୟ ଚାଲିଥିଲା। ଶ୍ରମିକ ଜଣଙ୍କ ନିର୍ମାଣ କାର୍ଯ୍ୟ କରୁଥିବା ବେଳେ ଡି.ଜିରେ ସଂଯୋଗ ବିଦ୍ୟୁତ୍ ତାର ସଂସ୍ପର୍ଶରେ ଆସିଥିଲେ। ତାଙ୍କୁ ଗୁରୁତର ଅବସ୍ଥାରେ ପୁରୁଣାକଟକ ମେଡିକାଲ ପଂହଚାଇବା ପୂର୍ବରୁ ତାଙ୍କର ମୃତ୍ୟୁ ଘଟିଥିଲା।
