ନୂଆଦିଲ୍ଲୀ : ଭାରତୀୟ ଗ୍ରାହକଙ୍କ ମଧ୍ୟରେ ଦୁଇଚକିଆ ଯାନକୁ ନେଇ ଚାହିଦା ଦିନକୁ ଦିନ ବଢୁଥିବା ଦେଖିବାକୁ ମିଳୁଛି । ଏହି କ୍ରମରେ ଗତ ସେପ୍ଟେମ୍ବରରେ ହୋଇଥିବା ଦୁଇଚକିଆନ ଯାନ ବିକ୍ରିର ତଥ୍ୟ ସାମ୍ନାକୁ ଆସିଛି । ରିପୋର୍ଟ ଅନୁସାରେ ହୋଣ୍ଡା ସବୁଠାରୁ ଅଧିକ ଗାଡି ବିକ୍ରି କରୁଥିବା କମ୍ପାନୀ ପାଲଟିଛି । ହୋଣ୍ଡା ସମୁଦାୟ ୩,୩୩,୯୨୭ ୟୁନିଟ୍ ଦୁଇଚକିଆ ଗାଡି ବିକ୍ରି କରିଛି । ଏହି ତାଲିକାରେ ଦ୍ବିତୀୟ ନମ୍ବରରେ ହିରୋ ମୋଟୋକର୍ପ ରହିଥିବାବେଳେ ତୃତୀୟ ସ୍ଥାନରେ ଟିଭିଏସ୍ ମୋଟର ରହିଛି । ହିରୋ ମୋଟୋକର୍ପ ସେପ୍ଟେମ୍ବରରେ ୨,୭୧,୩୯୦ ଗାଡି ବିକ୍ରି କରିଛି । ସେହିଭଳି ଟିଭିଏସ୍ ମୋଟର ୨,୨୧,୨୫୭ ୟୁନିଟ୍ ଗାଡି ବିକ୍ରି କରିଛି ।
ବଜାଜ ଚତୁର୍ଥ ସ୍ଥାନରେ ରହିଛି । ବଜାଜ ଅଟୋ ସମୁଦାୟ ୨,୧୪,୧୬୮ ଖଣ୍ଡ ଗାଡି ବିକ୍ରି କରିଛି । ତାଲିକାରେ ୫ମ ସ୍ଥାନରେ ସୁଜୁକି ମୋଟରସାଇକେଲ ରହିଛି । କମ୍ପାନୀ ୭୪,୨୮୭ ଗାଡି ବିକ୍ରି କରିଥିବାବେଳେ ଷଷ୍ଠ ସ୍ଥାନରେ ରୟାଲ ଏନଫିଲ୍ଡ ୫୭,୫୦୪ ଖଣ୍ଡ ବାଇକ ବିକ୍ରି କରିଛି । ସପ୍ତମ ସ୍ଥାନରେ ରହିଛି ୟାମାହା କମ୍ପାନୀ । ସମୁଦାୟ ୫୦,୦୬୫ ଗାଡି ବିକ୍ରି କରିଛି କମ୍ପାନୀ । ଅଷ୍ଟମ ସ୍ଥାନରେ ଓଲା ଇଲେକ୍ଟ୍ରିକ୍ ରହିଛି । କମ୍ପାନୀ ୨୪,୬୭୯ ଇ-ସ୍କୁଟର ବିକ୍ରି କରିଛି । ନବମ ସ୍ଥାନରେ ଏଥର ଏନର୍ଜି ୧୨,୭୧୮ ଖଣ୍ଡ ଇ-ସ୍କୁଟର ବିକ୍ରି କରିଛି । ଦଶମ ସ୍ଥାନରେ ଗ୍ରିଭ୍ସ ଇଲେକ୍ଟ୍ରିକ୍ ରହିଛି । କମ୍ପାନୀ ସମୁଦାୟ ୨୭୭୭ ଖଣ୍ଡ ଗାଡି ବିକ୍ରି କରିଛି ।
Comments are closed.