ଗୋପାଳପୁର: ୨୪ରୁ ଅଧିକ ମାମଲାରେ ଜଡିତ ଥିବା କୁଖ୍ୟାତ ଅପରାଧୀ ସନ୍ତୋଷ ପାତ୍ର ଓରଫ ବୁଚି ପାତ୍ରକୁ ଗିରଫ କରିଛି ଗୋଳନ୍ଥରା ପୁଲିସ। ସନ୍ତୋଷର ଘର ମେଲକୁତୁର ଗ୍ରାମରେ। ତା’ ନାମରେ ଏନଡିପିଏସ ମାମଲାରେ ଗିରଫ ପରଓ୍ବାନା ଜାରି କରାଯାଇଥିଲା। ଏହି କ୍ରମରେ ଗୋଳନ୍ଥରା ପୁଲିସ ଅଭିଯୁକ୍ତ ବୁଚିକୁ ଗିରଫ କରିଛି। ବୁଚି ବିରୋଧରେ ଆସିକା, ବୁଗୁଡ଼ା, କୋଦଳା, ପୋଲସରା, କବି ସୂର୍ଯ୍ୟନଗର, ଖଲ୍ଲିକୋଟ, ବ୍ରହ୍ମପୁର ଟାଉନ ଥାନା, ଗୋପାଳପୁର, ଦିଗପହଣ୍ଡି, ଗୋଷାଣିନୂଆଗାଁ, ବିଏନପୁର ସମେତ ଗୋଳନ୍ଥରା ଥାନାରେ ୨୯ଟି ଆପରାଧିକ ମାମଲା ରହିଛି। ଏସବୁ ମଧ୍ୟରେ ଚୋରି, ଡକାୟତି, ବେଆଇନ ଅସ୍ତ୍ରଶସ୍ତ୍ର ରଖିବା, ବିସ୍ଫୋରୋକ ସାମଗ୍ରୀ ରଖିବା, ହତ୍ୟା ଉଦ୍ୟମ ଭଳି ମାମଲା ରହିଥିବା ଜଣାପଡ଼ିଛି।
ସୂଚନାଯୋଗ୍ୟ, ପୁଲିସ ଆରକ୍ଷୀ ଅଧୀକ୍ଷକ ଭାବେ ଡ. ଏମ. ଶ୍ରବଣ ବିବେକ ଯୋଗଦେବା ପରେ ବିଭିନ୍ନ ଥାନା ଅଞ୍ଚଳରେ ଫେରାର ଥିବା ଅପରାଧୀଙ୍କୁ ଜେଲ ରାସ୍ତା ଦେଖାଇବା ପାଇଁ ସ୍ବତନ୍ତ୍ର ଡ୍ରାଇଭ ଆରମ୍ଭ କରାଯାଇଛି। ଏହି କ୍ରମରେ ୨ ଦିନ ମଧ୍ୟରେ ବ୍ରହ୍ମପୁର ପୁଲିସ ଜିଲ୍ଲା ଅଧୀନରେ ରହିଥିବା ବିଭିନ୍ନ ଥାନା ପକ୍ଷରୁ ୧୫ ଜଣ ଅପରାଧୀଙ୍କୁ କୋର୍ଟ ଚାଲାଣ କରାଯାଇଛି।
