ସମ୍ବଲପୁର : ଗତ ବର୍ଷ ନୂଆପଡା ଜିଲାରେ ପ୍ରାୟ ୭ – ୮ ବର୍ଷିୟ ଏକ ପୁରୁଷ କଲରାପତରିଆ ବାଘ ୨ ଜଣ ବ୍ୟକ୍ତିଙ୍କୁ ମାରିବା ସହିତ ଜଣକୁ ଆହତ କରିଥିଲା। ଉକ୍ତ କଲରାପତରିଆ ବାଘକୁ ଗତ ବର୍ଷ ୫ ନଭେମ୍ବର ୨୦୨୩ ଉଦ୍ଧାରକାରୀ ଦଳ କାବୁ କରି ଧରିବା ପରେ ନୂଆପଡାରୁ ହୀରାକୁଦ ବନ୍ୟପ୍ରାଣୀ ବିଭାଗ ଅଧିନସ୍ଥ ସମ୍ବଲପୁର ଚିଡିଆଖାନା ସ୍ଥିତ ଉଦ୍ଧାର କେନ୍ଦ୍ରକୁ ୮ ନଭେମ୍ବରରେ ଆଣିଥିଲେ। ଇତି ମଧ୍ୟରେ କେନ୍ଦ୍ର ପ୍ରାଣୀ ଉଦ୍ୟାନର ୧୧୧ତମ ବୈଷୟିକ କମିଟିର ପରାମର୍ଶ କ୍ରମେ ସମ୍ବଲପୁର ପ୍ରାଣୀ ଉଦ୍ୟାନରେ ଥିବା ମହିଳା କଲରାପତରିଆ ବାଘ ସହିତ ଯୋଡି କରିବା ପାଇଁ ଅନୁମତି ପ୍ରାପ୍ତ ହୋଇଛି।
ଉଭୟ ବାଘଙ୍କ ଉପରେ ୨୪ ଘଣ୍ଟିଆ ସିସିଟିଭି ଓ ସ୍ୱତନ୍ତ୍ର ଦଳ ଜରିଆରେ ନଜର ରଖାଯାଇ ସମସ୍ତ ଗତିବିଧିକୁ ରେକର୍ଡ କରାଯାଉଛି। ଦର୍ଶକ ମାନଙ୍କ ସୁବିଧା ପାଇଁ ୨୦ ଫୁଟ ଲମ୍ବ ଓ ୭ ଫୁଟ ଚୌଡା ବିଶିଷ୍ଟ ଗ୍ଲାସ ଭ୍ୟୁ ଏନକ୍ଲୋଜର କରାଯାଇଛି । ୨୦୨୩ ମସିହାରେ କଲରାପତରିଆ ବାଘ ରହିବା ସ୍ଥାନକୁ ବିସ୍ତାରିତ କରାଯାଇ ୫୫୦ ବର୍ଗ ମିଟରର କରାଯାଇଛି। ଯେଉଁ ଠାରେ ଏକ ସଙ୍ଗରେ ୨ଟି କଲରାପତରିଆ ବାଘ ବୁଲି ପାରିବେ। ସମ୍ବଲପୁର ଚିଡିଆଖାନାରେ ବାଘ ଓ ଭାଲୁ ମାନଙ୍କର ମୁକ୍ତ ବିଚରଣ ଓ ଆରାମ ପାଇଁ ଝୁଲାର ବ୍ୟବସ୍ଥା ମଧ୍ୟ କରାଯାଇଛି ବୋଲି ବନ୍ୟ ପ୍ରାଣୀ ଅଧିକାରିଣୀ ଅଂଶୁପ୍ରଜ୍ଞା ଦାଶ ସୂଚନା ପ୍ରଦାନ କରିଛନ୍ତି।
ଦେଖନ୍ତୁ ଛାତିଥରା ଭିଡିଓ; ଆକାଶରୁ ଖସିଲା ମୃତ୍ୟୁ, ବ୍ୟକ୍ତିଙ୍କ ଉପରେ ପଡିଲା ମିଶାଇଲ୍ ଖଣ୍ଡ..
Comments are closed.