ଫୁଲବାଣୀ : କିଛି ଲୋକଙ୍କୁ ବିଧାତା ଦାଉ ସାଧିଲା ପରି ଦୁଃଖ ଉପରେ ଦୁଃଖ ଦେଇ ଚାଲିଥାଏ । ଏମିତି ଦୃଶ୍ୟ କନ୍ଧମାଳ ଜିଲାର ଖଜୁରୀପଡ଼ା ବ୍ଲକ୍ ଅନ୍ତର୍ଗତ ଦୁତୀ ମେଣ୍ଡି ପଞ୍ଚାୟତ ମଲିକ ସାହି ଗ୍ରାମର ଜମ୍ବେଶ୍ଵର ସେଠୀଙ୍କ ପରିବାରରେ ଦେଖିବାକୁ ମିଳିଛି । ଜମ୍ବେଶ୍ଵର ଜଣେ ଦିନ ମଜୁରିଆ ହୋଇଥିବାବେଳେ ତାଙ୍କର ବୟସ ୮୦ ବର୍ଷ ହେବ । ସେ ନିଜେ ଚଳିବା ପାଇଁ ଅସମର୍ଥ ଥିବାବେଳେ ତାଙ୍କର ସ୍ତ୍ରୀ ୩ ମାସ ତଳେ ଆରପାରିକୁ ଚାଲିଗଲେ । ପରେ ପୁଅ କିଡନୀ ରୋଗରେ ମେଡିକାଲରେ ମୃତ୍ୟୁବରଣ କଲେ । ତାଙ୍କ ବୋହୂ ମାସେ ପୂର୍ବରୁ କେଉଁଆଡେ ଚାଲିଯାଇଥିବାବେଳେ ବର୍ତ୍ତମାନ ଦୁଇ ନାତି ସମ୍ବିତ ସେଠୀ ଓ ଶେଖର ସେଠୀକୁ ଧରି କିପରି ପୁଅର ଶୁଦ୍ଧି କ୍ରିୟା ସମାପନ କରି ବଞ୍ଚିବେ ସେନେଇ ସେ ଚିନ୍ତାରେ ପଡିଛନ୍ତି । ତେଣୁ ତାଙ୍କ ସମସ୍ୟା ପ୍ରତି ଦୃଷ୍ଟି ଦେଇ ସମାଜ ସେବୀ, ସ୍ଵେଚ୍ଛା ସେବୀ ସଂଗଠନ ଓ ସରକାରଙ୍କୁ ସହାୟତା ପାଇଁ ଅନୁରୋଧ କରିଛନ୍ତି ଜମ୍ବେଶ୍ଵର ସେଠୀ ।
Popular Categories
Previous article
Next article