ଆରଡ଼ି: ଆରଡ଼ି ନିକଟସ୍ଥ ବୋଡକ ଓ ସାଠିବାଙ୍କୁଡା ଗାଁ ଦେଇ ପ୍ରବାହିତ ହେଉଥିବା ବୈତରଣୀନଦୀରେ ମଙ୍ଗଳବାର ୧୬/୧୭ଫୁଟ ଲମ୍ବର ଏକ ହିଂସ୍ର କୁମ୍ଭୀର ଦୀର୍ଘ ସମୟ ଧରି ଘୁରି ବୁଲୁଛି। ଫଳରେ ନଦୀକୂଳିଆ ଲୋକ ଭୟଭୀତ ହୋଇପଡ଼ିବା ସହ ଇଟା ପଥର ଦ୍ବାରା କୁମ୍ଭୀରକୁ ଘଉଡ଼ାଇଥିଲେ। ବିଶେଷକରି ନଦୀକୂଳିଆ ଅଞ୍ଚଳର ଲୋକମାନେ ପ୍ରତିଦିନ କିଏ ମାଛ ମାରିବାକୁ ଯାଇଥାଏ ତ ଆଉକିଏ ପାଣି ଆଣିବାକୁ ଯାଇଥାନ୍ତି। ଏପରିକି ନଦୀକୂଳିଆ ଲୋକଙ୍କ ଚଳପ୍ରଚଳ ପାଇଁ ନଦୀପଠାରେ ଘାଟ ନିର୍ମାଣ କରାଯାଇଛି। ହେଲେ ତାରବାଡ ନ ଥିବାରୁ ଅନେକ ସମୟରେ ହିଂସ୍ର କୁମ୍ଭୀର ଶୋଇ ରହୁଛନ୍ତି। ଅନ୍ୟପଟେ ଭଦ୍ରକ ବଣ୍ୟ ପ୍ରାଣୀ ବିଭାଗ ପକ୍ଷରୁ ବୈତରଣୀ ନଦୀର ୩/୪ଟି ସ୍ଥାନରେ ସଚେତନତା ଫଳକ ଲଗାଯାଇଥିଲେ ମଧ୍ୟ ନଦୀକୂଳରେ ତାରବାଡ ନ ଥିବାରୁ ହିଂସ୍ର କୁମ୍ଭୀର କେତେବେଳେ ମଣିଷଙ୍କୁ ତ ଆଉ କେତେବେଳେ ଗୃହପାଳିତ ପଶୁଙ୍କୁ ଝାମ୍ପି ନେଉଥିବା କହିଛନ୍ତି ନଦୀକୂଳିଆ ଲୋକମାନେ।
Popular Categories
Previous article
Next article