ପାଟଣା : ଘଟଗାଁ ବ୍ଲକ ଅନ୍ତର୍ଗତ ତୋରାଣିପୋଖରୀ ପଞ୍ଚାୟତ ପୋଇପାଣି ଓ ଆଖପାଖ ଗ୍ରାମରେ ଧାନ ଚାଷରେ ଅଜଣା ରୋଗ ଦେଖାଦେଇଛି। ଅନିୟମିତ ବର୍ଷା ସତ୍ତ୍ବେ ଚାଷୀମାନେ ବହୁ କଷ୍ଟରେ ଧାନ ଚାଷ କରୁଥିବାବେଳେ ଧାନ ଗଛର ପତ୍ର ଗୁଡ଼ିକ ଲାଲ ପଡ଼ିଯାଉଥିବା ଦେଖାଯାଉଛି। ଅଧିକାଂଶ ପତ୍ର ମୋଡ଼ି ହୋଇଯାଉଛି। ଚାଷୀ ମାନଙ୍କ ଏକର ଏକର ଜମି ରେ ଏଭଳି ସ୍ଥିତି ଦେଖି ଚାଷୀମାନେ ରୋଗ ପ୍ରତିଷେଧକ ପକାଇ ମଧ୍ୟ କିଛି ସୁଫଳ ପାଉନାହାନ୍ତି। ଏନେଇ ବାରମ୍ବାର କୃଷି ବିଭାଗକୁ ଜଣାଇଲେ ମଧ୍ୟ କୃଷି ବିଭାଗ ଚୁପଚାପ୍ ବସିଥିବା ଅଭିଯୋଗ ହୋଇଛି। ସୂଚନାଯୋଗ୍ୟ ଯେ ପୋଇପାଣୀ ଅଞ୍ଚଳରେ ବହୁ ଅଗ୍ରଣୀ ଚାଷୀଥିବାବେଳେ ଜଳସେଚନ ସୁବିଧା ଥିବାରୁ ଘଟଗାଁ ବ୍ଲକର ଏହି ଅଞ୍ଚଳରୁ ସର୍ବାଧିକ ଧାନ ଉତ୍ପାଦିତ ହୋଇଥାଏ। ଏହି ଅଜଣା ରୋଗର କାରଣ ଅନୁଧ୍ୟାନ କରି ଚାଷୀମାନଙ୍କୁ ସମାଧାନର ରାସ୍ତା ଦେଖାଇବା ଦିଗରେ କାର୍ଯ୍ୟ ନକଲେ ଚାଷୀମାନେ କ୍ଷତି ସହିବେ । ତେଣୁ ଯଥା ଶୀଘ୍ର କୃଷି ବିଭାଗ ସମସ୍ୟା ପ୍ରତି ନଜର ଦେବାକୁ ଦାବି ହୋଇଛି।
Comments are closed.