ସମାଜ ଡିଜିଟାଲ ଡେସ୍କ: ବଲିଉଡର ସବୁଠାରୁ ଲୋକପ୍ରିୟ ଫିଲ୍ମ ମଧ୍ୟରେ ଅନ୍ୟତମ ହେଉଛି ‘ଧୁମ୍’। ଏହାର ଧୁମ୍ ର ୧,୨,୩ର ସଫଳତା ପରେ ଧୁମ୍-୪କୁ ନେଇ ଅନେକ କଳ୍ପନା ଜଳ୍ପନା ଲାଗି ରହିଛି। ଏବେ ଫିଲ୍ମକୁ ନେଇ ବଡ ଖବର ସାମ୍ନାକୁ ଆସିଛି। ଧୁମ୍-୪ରେ ଏଥର ଖଳନାୟକ ଭାବେ ନଜର ଆସିବେ ରଣବୀର କପୁର। ଏହାସହିତ ଫିଲ୍ମରୁ ଅଭିଷେକ ବଚ୍ଚନ ଓ ଉଦୟ ଚୋପ୍ରାଙ୍କୁ ବାଦ ଦିଆଯାଇଛି। ମିଳିଥିବା ସୂଚନା ଅନୁସାରେ ‘ଧୁମ୍’ ଫିଲ୍ମର ସବୁ ସିରିଜରେ ଉଦୟ ଚୌପ୍ରା ନଜର ଆସିଥିଲେ। ଉଦୟଙ୍କ ଦମଦାର ଅଭିନୟ ଓ କମେଡି କରିବାର ଶୈଳୀକୁ ଦର୍ଶକ ଖୁବ ପସନ୍ଦ କରିଥିଲେ। ଏବେ କିନ୍ତୁ ଧୁମ୍-୪ରୁ ତାଙ୍କୁ ବାଦ ଦିଆଯାଇଛି। ଫିଲ୍ମକୁ ନେଇ ଆଦିତ୍ୟ ଚୋପ୍ରା କହିଛନ୍ତି ଧୁମ୍ ସିରିଜକୁ ଆଗକୁ ନେବାକୁ ରଣବୀର କପୁର ହିଁ ଉପଯୁକ୍ତ ଷ୍ଟାର। ଫିଲ୍ମର ନିର୍ମାଣ କାମ ଆରମ୍ଭ ହୋଇଥିବା ସୂଚନା ମିଳିଛି। ଫିଲ୍ମର କାହାଣୀ ଶୁଣିବା ପରେ ରଣବୀର ଏଥିପାଇଁ ହିଁ ଭରିଥିବା କୁହାଯାଇଛି।
Comments are closed.