ଦୁର୍ଘଟଣାର ଛାତିଥରା ଭିଡିଓ, ରଙ୍ଗରୁଟରେ ଆସୁଥିବା କାରକୁ ପିଟିଲେ ବାଇକର, ଚାଲିଗଲା ଜୀବନ

ସମାଜ ଡିଜିଟାଲ ଡେସ୍କ: ଦୁର୍ଘଟଣାର ଏକ ଛାତିଥରା ଭିଡିଓ ସାମ୍ନାକୁ ଆସିଛି ହରିୟାଣାରୁ। ଏଥିରେ ଜଣେ ୨୩ ବର୍ଷୀୟ ସ୍ପିଡ୍ ବାଇକର ଅକ୍ଷତ ଗର୍ଗଙ୍କ ମୃତ୍ୟୁ ଘଟିଛି। ଶୁକ୍ରଭାର ଭୋର ୫ଟା ୪୫ ମିନିଟରେ ଏହି ଦୁର୍ଘଟଣା ଘଟିଛି। ଅକ୍ଷତଙ୍କ ପଛରେ ଆସୁଥିବା ତାଙ୍କର ଜଣେ ସାଙ୍ଗଙ୍କ ହେଲମେଟରେ ଲାଗିଥିବା କ୍ୟାମେରାରେ ଘଟଣାର ପୂରା ଦୃଶ୍ୟ କଏଦ ହୋଇଛି, ଯାହା ସାମାଜିକ ଗଣମାଧ୍ୟମରେ ପ୍ରଘଟ ହେବାରେ ଲାଗିଛି।

ସୂଚନା ଅନୁସାରେ, ଅକ୍ଷତ ଓ ତାଙ୍କର ଅନ୍ୟ କେତେଜଣ ସାଙ୍ଗ ଭୋର ସମୟରେ ଗୁରୁଗ୍ରାମର ଡିଏଲଏଫ ଫେଜ ୨ ଗଲ୍ଫ କୋର୍ସ ରୋଡରେ ବାଇକ୍‌ରେ ଦ୍ରୁତ ଗତିରେ ଯାଉଥିଲେ। କିନ୍ତୁ ଏକ ବୁଲାଣି ସ୍ଥାନରେ ରଙ୍ଗରୁଟରେ ଆସୁଥିବା କାର ସହିତ ଅକ୍ଷତଙ୍କ ବାଇକ୍‌ ପିଟି ହୋଇଯାଇଥିଲା। ନିରାପତ୍ତା ଲାଗି ସମସ୍ତ ପ୍ରକାର ପୋଷାକ ଏବଂ ଉପକରଣ ପିନ୍ଧିଥିଲେ ମଧ୍ୟ ଅକ୍ଷତଙ୍କ ଜୀବନ ରକ୍ଷା ହୋଇପାରି ନ ଥିଲା। ବାଇକର ଦ୍ରୁତଗତି ଏବଂ ରଙ୍ଗରୁଟରେ କାର ଚାଳନା ଯୋଗୁ ଏଭଳି ଦୁର୍ଘଟଣା ଘଟିଥିଲା।

Gurugram, Haryana: A 23-year-old motorcyclist, Akshat Garg, was killed in a wrong-way collision on Golf Course Road, DLF Phase II. The crash, captured on a GoPro by his friend, occurred around 5: 45 AM. Despite wearing safety gear, Garg succumbed to the impact. Authorities are… pic.twitter.com/ih29byhfzt

— IANS (@ians_india) September 19, 2024