କଳାପଥର: ଆଜି ପବିତ୍ର ଭାଗବତ ଜନ୍ମ ଅବସରରେ ରଣପୁର ଜଳେଶ୍ୱର ମନ୍ଦିର ପରିସରରେ ଥିବା ଜଗନ୍ନାଥ ମନ୍ଦିର ପ୍ରାଙ୍ଗଣରେ ଭାଗବତ ଜନ୍ମ ଉତ୍ସବ ପାଳିତ ହୋଇଯାଇଛି । ରବିନ୍ଦ୍ର ବିଶ୍ୱାଳଙ୍କ ତତ୍ତ୍ୱାବଧାନରେ ଆୟୋଜିତ ଉତ୍ସବରେ ଅତିଥିଭାବେ ନିଖିଳ ଓଡ଼ିଶା ଭାଗବତ ପ୍ରସାର ପ୍ରଚାର ସମିତି ଉପଦେଷ୍ଟା ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦେଇ ଭାଗବତ ମହିମା ସଂପର୍କରେ ଆଲୋକପାତ କରିଥିଲେ । ଏହି ପରିପ୍ରେକ୍ଷୀରେ ଭାଗବତ ମଣ୍ଡଳୀ ଦ୍ୱାରା ଭାଗବତ ଗାନ ଓ ଭଜନ କରାଯାଇଥିଲା।
ସେହିପରି ବାଆଁରାସ୍ଥିତ ଶ୍ରୀ ସୁବୁଦ୍ଧେଶ୍ୱର ପୀଠରେ ଭାଗବତ ଜନ୍ମ ଉତ୍ସବ ପାଳିତ ହୋଇଯାଇଛି। ଭାଗବତ କମିଟି ସଦସ୍ୟ ଦୁଷ୍ମନ୍ତ ବଳ, ହିରଣ୍ୟ ପାତ୍ର ଓ ବିଜୟ ପ୍ରଧାନ ପ୍ରମୁଖ ଏହାକୁ ପରିଚାଳନା କରିଥିଲେ। କୂଅମଡା ଗ୍ରାମର ଶ୍ରୀ ଶନିଶ୍ଚରଙ୍କ ପୀଠ ଏବଂ ବାଆଁରାସ୍ଥ ଚୂନପିଣ୍ଡାଠାରେ ଭାଗବତ ଜନ୍ମ ପାଳିତ ହୋଇଛି।
