ମୁମ୍ବଇ: ମହାରାଷ୍ଟ୍ରର ରାଜଧାନୀ ମୁମ୍ବାଇର ଉଲ୍ଲାସନଗରରେ ଜଣେ ଅଟୋ ଚାଳକ ଟ୍ରାଫିକ୍ ପୁଲିସକର୍ମୀଙ୍କ ଉପରକୁ ଆକ୍ରମଣ କରିଦେଇଛନ୍ତି । ଅଟୋ ଚାଳକ ଜଣେ ଯୁବତୀଙ୍କୁ ଅସଦାଚରଣ କରୁଥିଲେ । ଏହା ଦେଖିବା ପରେ ଟ୍ରାଫିକ୍ ପୁଲିସକର୍ମୀ ଘଟଣା ବୁଝିବା ପାଇଁ ପାଖକୁ ଯିବା ପରେ ନିଶାସକ୍ତ ଅଟୋ ଚାଳକ ତାଙ୍କୁ ଚାପୁଡା ମାରିଥିଲା । ଏହି ଘଟଣା ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ।
उल्हासनगर में ऑटो ड्राइवर ने ट्रैफिक पुलिस को मारा थप्पड़#Ulhasnagar #Maharashtra pic.twitter.com/7tFtOMXdUY
— Abhishek Chaturvedi (@abhiword) September 7, 2024
ପୁଲିସ କର୍ମୀ ଅଟୋ ଚାଳକଙ୍କୁ ଅଟକ ରଖି ପଚରାଉଚରା କରୁଛି । ଘଟଣାଟି ଉଲ୍ଲାସନଗରର ଛତ୍ରପତି ଶାହ ଓଭରବ୍ରିଜ୍ ନିକଟରେ ବୋଲି କୁହାଯାଉଛି । ଅଟୋ ଚାଳକ ରାସ୍ତାରେ ଅଟୋ ଅଟକାଇ ଜଣେ ଯୁବତୀଙ୍କୁ ଅସଦାଚରଣ କରୁଥିଲେ । ଦୂରରୁ ଏହା ଦେଖି ଟ୍ରାଫିକ ପୁଲିସକର୍ମୀ ସେଠାକୁ ଯାଇ ଘଟଣା ସମ୍ପର୍କରେ ପଚାରି ବୁଝିଥିଲେ । ଏହି ସମୟରେ ନିଶାସକ୍ତ ଅଟୋଚାଳକ ତାଙ୍କୁ ଆକ୍ରମଣ କରିଥିଲା । ଏଥିରେ ଟ୍ରାଫିକ ପୁଲିସକର୍ମୀ ଆହତ ହୋଇଛନ୍ତି । ଭିଡିଓଟି ଭାଇରାଲ ହେବାରେ ଲାଗିଛି । ସମସ୍ତେ ସେହି ଅଟୋଚାଳକ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରୁଛନ୍ତି ।
