ଆଠଗଡ: ଆଠଗଡ ଥାନା ଅନ୍ତର୍ଗତ ଧାଇପୁର ପଞ୍ଚାୟତ ଅଧିନ ଛତାବର ଗ୍ରାମରେ ରାତିରେ ଶୋଇଥିବା ଅବସ୍ଥାରେ ବିଷାକ୍ତ ସାପ କାମୁଡାରେ ଜଣେ ବାଳକର ମୃତ୍ୟୁ ହୋଇଯାଇଥିବା ଜଣାପଡିଛି । ଛତାବର ଗ୍ରାମର ଦିଲ୍ଲୀପ ରାଉତଙ୍କ ପୁଅ ଏବଂ ବିଶ୍ଵନାଥ ବିଦ୍ୟାପୀଠର ୮ମ ଶ୍ରେଣୀର ଛାତ୍ର ଦେବୀପ୍ରସାଦ ରାଉତ(୧୩) ରବିବାର ରାତିରେ ଘରେ ଶୋଇଥିବାବେଳେ କୌଣସି ଏକ ବିଷଧର ସାପ ତାଙ୍କୁ କାମୁଡି ଦେଇଥିଲା । ଭୋର ସମୟରେ ତାକୁ କଣ ଗୋଟେ କାମୁଡି ଦେଇଥିବା କହି ସେ ଗୁରତର ଅସୁସ୍ଥ ହୋଇପଡିବାରୁ ପରିବାର ଲୋକ ତାଙ୍କୁ ଉପଖଣ୍ଡ ଡାକ୍ତରଖାନାକୁ ନେଇଯାଇଥିଲେ । ହେଲେ ଚିକିତ୍ସା ଆରମ୍ଭର କିଛି ସମୟ ମଧ୍ୟରେ ବାଳକ ଆନନ୍ଦର ମୃତ୍ୟୁ ହୋଇଥିଲା। ପୁଲିସ ବାଳକ ଆନନ୍ଦର ମୃତଦେହକୁ ଜବତ ପରେ ବ୍ୟବଚ୍ଛେଦ କରାଇବା ସହିତ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାପଡିଛି ।
Popular Categories
Previous article
Next article