ନୂଆଦିଲ୍ଲୀ : ଅନଲାଇନ ଲଟେରୀରେ ୩.୫୫ ଲକ୍ଷ ଟଙ୍କା ଜିତିବା ପରେ ୨୪ ବର୍ଷୀୟ ଚା’ ବିକ୍ରେତାଙ୍କ ଖୁସି ଶୀଘ୍ର ନିରାଶାରେ ବଦଳି ଯାଇଥିଲା। ବୁଧବାର ବିଳମ୍ବିତ ରାତିରେ ଅମେଠୀରେ ଯୁବକ ଜଣକ ଆତ୍ମହତ୍ୟା କରିଥିବା ଜଣାପଡିଛି । ଆତ୍ମହତ୍ୟାର କାରଣ ସଭିଁଙ୍କୁ ଆଶ୍ଚର୍ଯ୍ୟ କରି ଦେଇଛି । ୩ ଜଣ ସ୍ଥାନୀୟ ଲୋକ ତାଙ୍କର ଜରୁରୀ କାଗଜପତ୍ର ଜବତ କରି ୧ ଲକ୍ଷ ଟଙ୍କା ନଦେଲେ ତାଙ୍କୁ ଠକେଇ ମାମଲାରେ ଫସାଇବେ ବୋଲି ଧମକ ଦେଇଥିଲେ। ମୃତ ଯୁବକ ଜଣକ ରାକେଶ ବୋଲି ଜଣାପଡିଛି । ରାକେଶଙ୍କ ମାଆ ଶାନ୍ତି ଦେବୀ ଗୁରୁବାର ୪ ଜଣଙ୍କ ବିରୁଦ୍ଧରେ ଆତ୍ମହତ୍ୟା ପାଇଁ ଉସୁକାଇବା ଓ ଧମକ ଦେଇଥିବା ନେଇ ଥାନାରେ ଅଭିଯୋଗ କରିଛନ୍ତି । ଏହାପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଅମେଠୀ ଏସପି କହିଛନ୍ତି, ଅଭିଯୁକ୍ତ ମାନେ ରାକେଶଙ୍କ ଆଧାର, ପ୍ୟାନ କାର୍ଡ, ମୋବାଇଲ ଫୋନ୍ ଜବତ କରି ତାଙ୍କ ଠାରୁ ୧.୬ ଲକ୍ଷ ଟଙ୍କା ମାଗିବା ସହ ମାରପିଟ୍ ମଧ୍ୟ କରିଥିଲେ।
ଦେଖନ୍ତୁ ଭିଡିଓ; ଉଡିଯିବ ହୋସ୍, କେମିତି ତିଆରି ହୁଏ ଏହି ଆମ୍ବ ଜୁସ୍..
ସେମାନେ ରାକେଶ ପରିଚୟ ପତ୍ର ବ୍ୟବହାର କରି ଲୋନ୍ କରିବା ପାଇଁ ଧମକ ମଧ୍ୟ ଦେଇଥିଲେ । ରାକେଶ ୫ ବର୍ଷ ପୂର୍ବରୁ ନିଜ ବାପା ଓ କିଛି ମାସ ପୂର୍ବରୁ ନିଜ ଭାଇକୁ ହରାଇଥିଲେ । ଏଭଳି ଧମକପୂର୍ଣ୍ଣ ଘଟଣା ମିଳିବା ପରେ ସେ ମାନସିକ ଚାପରେ ରହିବା ସହ ଆତ୍ମହତ୍ୟା କରିଥିଲେ । ପୁଲିସ ଘଟଣାର ତଦନ୍ତ ଜାରି ରଖିଛି ।
Comments are closed.