ଚୌଦ୍ୱାର: ଚୌଦ୍ୱାରରେ ବିଭିନ୍ନ ସ୍ଥାନରେ ପବିତ୍ର ଜନ୍ମାଷ୍ଟମୀ ପାଳିତ ହୋଇ ଯାଇଛି। ବଡବଜାର ସତ୍ୟ ନାରାୟଣ ପୂଜା ମଣ୍ଡପରେ ପ୍ରଭାତରୁ ସ୍ନାନ, ତପର୍ଣ ଓ ମଙ୍ଗଳ ଆରତୀ ସହିତ ଲକ୍ଷ୍ମୀ ନାରାୟଣ ଓ ଆଣ୍ଠୁଆ ଗୋପାଳଙ୍କ ପୁଜାର୍ଚ୍ଚନା ରୀତିନୀତିରେ ସମାପନ କରାଯାଇଥିଲା। ଶ୍ରଦ୍ଧାଳୁ ମାନେ ସନ୍ଧ୍ୟା ସମୟରେ ନୈବେଦ୍ୟ ସମର୍ପଣ କରି ତୁଳସି ପାଇ ଉପବାସ ଖଣ୍ଡନ କରିଥିଲେ। ତିନିକୋଣିଆ ସ୍ଥିତ ଜଗନ୍ନାଥ ମନ୍ଦିର, ରାହାସବିହାରୀ ଜିୟୁ, ନବଗ୍ରହ ସାହିସ୍ଥିତ ନୀଳାଚଳ ଜଗନ୍ନାଥ ମନ୍ଦିର, ନୂଆବଣିଆ ସାହିର ବାଙ୍କବିହାରୀ, ପ୍ରଧାନ ସାହିସ୍ଥିତ ଗୋପାଳଜୀଉ, ଓଟିଏମ କଲୋନୀର ରାଧା ମୋହନ ଜୟୁ, ସତ୍ୟ ନାରାୟଣ ମନ୍ଦିର, ମୁଣ୍ଡମାଳ ସ୍ଥିତ ଅନନ୍ତବାସୁଦେବ ମନ୍ଦିର, ହାଉସିଂବୋର୍ଡ ଜଗନ୍ନାଥ ମନ୍ଦିର ଓ ଇମ୍ଫା ରାଧାକୃଷ୍ଣ ମନ୍ଦିର ଆଦିରେ ଜନ୍ମାଷ୍ଟମୀ ଉତ୍ସବ ସମାରୋହରେ ପାଳିତ ହୋଇଛି। ଗାନ୍ଧୀଛକ ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ପ୍ରଧାନ ଆଚାର୍ଯ୍ୟା ସ୍ନିଗ୍ଧା ନାୟକ ଓ ବାଣୀ ଭୁଷଣ ମହାନ୍ତିଙ୍କ ପରିଚାଳନାରେ କୁନିକୁନି ପିଲା ମାନଙ୍କ ଦ୍ୱାରା ରାଧାକୃଷ୍ଣ ବେଶ ସହିତ କୃଷ୍ଣ୍ନଜନ୍ମ ଲୀଳା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିବେକାନନ୍ଦ ଶିଶୁ ବିଦ୍ୟାମନ୍ଦିର ଆନୁକୂଲ୍ୟରେ ସଂପାଦକ ମାନସ କୁମାର ସାହୁଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ଡ.ବିଚିତ୍ରାନନ୍ଦ ସ୍ୱାଇଁ ଓ ରୋଟାରିଆନ ସୁଧାଂଶୁ ଶେଖର ଜେନା କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଏହି ଅବସରରେ କ୍ଷୀରୋଦ କୁମାର ମହାନ୍ତିଙ୍କ ଦ୍ୱାରା ସଂକଳିତ ଶ୍ରୀମଦ୍ ଭାଗବତ ଗୀତା ପାରୟଣ ଓ ପୁଜାବିଧି ପୁସ୍ତକ ଉନ୍ମୋଚିତ ହୋଇଥିଲା। କାଉନସିଲର ଅଜୟ କୁମାର ବେହେରା, ହରେକୃଷ୍ନ ସାହୁ, ନମିତାରାଣୀ ଉତ୍ତରାୟ, ଲିଙ୍ଗରାଜ ସାହୁ ପ୍ରମୁଖ ଏଥିରେ ଯୋଗ ଦେଇଥିଲେ। ପ୍ରଧାନ ଅଚାର୍ଯ୍ୟା ଗାୟତ୍ରୀ ସାହୁ, ଅନୁରାଧା ଭଟ୍ଟ, ସାଗରୀକା ସିଂ, ଭବାନୀ ଶଙ୍କର ମୁର୍ମୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.