ବିମାନଯାତ୍ରା ପୂର୍ବରୁ ଏମିତି କଲେ ଯାତ୍ରୀ, ଭିଡିଓ ଭାଇରାଲ

ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଭିଡିଓରେ ଜଣେ ବ୍ୟକ୍ତି ଖଇନି ରଗଡୁଥିବା ନଜର ଆସୁଛି । ତେବେ ଖାସ୍ କଥା ହେଉଛି, ବ୍ୟକ୍ତି ଜଣକ କୌଣସି ପାନ ଦୋକାନ ଆଗରେ ଖଇନି ରଗଡୁନାହାଁନ୍ତି । ବରଂ ସେ ଏକ ବିମାନରେ ଖଇନିର ମଜା ଉଠାଉଛନ୍ତି ।

बंदा ये बिंदास है…. बस खैनी की तलाश है… pic.twitter.com/SNOzWRA5Z4

— Shwetank Ratnamber (@swwetanksr) August 25, 2024

ଭିଡିଓରେ ନଜର ଆସୁଛି କି ଜଣେ ବ୍ୟକ୍ତି ଅତି ଆରାମରେ ଏକ ପ୍ରାଇଭେଟ୍ ଜେଟ ଦ୍ବାର ପାଖରେ ଠିଆ ହୋଇଛନ୍ତି । ଏବଂ ବିମାନ ସଦସ୍ୟଙ୍କ ସାମ୍ନାରେ ଖାଇବା ପାଇଁ ଖଇନି ପ୍ରସ୍ତୁତ କରୁଛନ୍ତି । ତାଙ୍କର ଏହି ଭିଡିଓକୁ ସମସ୍ତେ ବେଶ୍ ପସନ୍ଦ କରିବା ସହ ମଜାଳିଆ ଢଙ୍ଗରେ ପ୍ରତିକ୍ରିୟା ରଖୁଛନ୍ତି । ମଜାରେ ୟୁଜର କହୁଛନ୍ତି ଯେ ତାଙ୍କୁ ଝରକା ପାଖ ସିଟ୍ ଦେବା ଉଚିତ୍ । ତେବେ ଏହି ଭିଡିଓ କେବେକାର ଏବଂ କେଉଁ ସ୍ଥାନର ତାହା ସ୍ପଷ୍ଟ ହୋଇପାରିନି ।