ପାଟଣା : କେନ୍ଦୁଝରରେ ଓଟିଇଟି ପରୀକ୍ଷା ଦେଇ ପାଟଣା ଥାନା ଅଞ୍ଚଳ ସିଲିପଦା ଗ୍ରାମକୁ ବାଇକ ଯୋଗେ ଫେରୁଥିବା ଜଣେ ମହିଳାଙ୍କଠାରୁ ଗତ ସନ୍ଧ୍ୟାରେ ୧୧ଗ୍ରାମ ଓଜନର ସୁନା ଚେନ ଲୁଟ ହୋଇଥିବା ତୁରୁମୁଙ୍ଗା ଥାନାରେ ଅଭିଯୋଗ ହୋଇଛି । ଏସ. ଆଇ ରସାନନ୍ଦ ନାଏକ ୨୪୦/୨୦୨୪ ମୂଳେ ଏକ ମାମଲା ରୁଜୁ କରି ଘଟଣାର ତଦନ୍ତ କରିଥିଲେ ମଧ୍ୟ ଲୁଟେରାଙ୍କ ପତ୍ତା ମିଳିନାହିଁ । ଗତକାଲି ସିଲିପଦା ଗ୍ରାମର ବିଜୟଲକ୍ଷ୍ମୀ ମହାନ୍ତ ତାଙ୍କ ସ୍ଵାମୀ ଯଶିପୁର ବାସିନ୍ଦା ତଥା ସାହାରପଡ଼ା ବ୍ଲକ ଅଞ୍ଚଳରେ କ୍ରୀଡା ଶିକ୍ଷକ ଭାବେ ଚାକିରି କରିଥିବା ସୁଶାନ୍ତ କୁମାର ମହାନ୍ତଙ୍କ ସହ ଓଟିଇଟି ପରୀକ୍ଷା ଦେଇ କେନ୍ଦୁଝର ରୁ ସିଲିପଦା ଗ୍ରାମକୁ ବାଇକ ଯୋଗେ ଫେରୁଥିବା ସମୟରେ କେନ୍ଦେଇପଶି ନିକଟ ଖୁଣ୍ଟାପଡା ଛକ ନିକଟରେ ବାଇକରେ ଆସିଥିବା ୨ ଜଣ ଲୁଟେରା ପିସ୍ତଲ ଦେଖାଇ ବିଜୟଲକ୍ଷ୍ମୀଙ୍କ ବେକରୁ ଚେନ ଛିଡାଇ ଫେରାର ହୋଇଯାଇଥିଲେ ।
Comments are closed.