ଗୋପାଳପୁର : ଗୋପାଳପୁର ସମୁଦ୍ରରେ ଆଜି ଅପରାହ୍ନ ପ୍ରାୟ ୩ ଟା ବେଳେ ଜଣେ ବିହାର ପର୍ଯ୍ୟଟକ ବୁଡ଼ି ଯାଉଥିବା ବେଳେ ଲାଇଫଗାର୍ଡ ତାଙ୍କୁ ନିଶ୍ଚିତ ମୃତ୍ୟୁ ମୁଖରୁ ଉଦ୍ଧାର କରିଛନ୍ତି । ସୂଚନା ପ୍ରକାରେ ଆଜି ଅପରାହ୍ନ ପ୍ରାୟ ୩ ଟା ବେଳେ ବିହାରର ୧୦ ରୁ ଉର୍ଦ୍ଧ୍ବ ପର୍ଯ୍ୟଟକ ଗୋପାଳପୁର ବେଳାଭୂମି ବୁଲିବାକୁ ଆସିଥିଲେ । ମୁଖ୍ୟ ବେଳାଭୂମିରେ ସମସ୍ତେ ଗାଧୋଉଥିବା ସେମାନେ ମଧ୍ୟରୁ ବିହାର ସ୍ଥିତ ବାରୋଣୀ ଥାନା ଅଞ୍ଚଳର ମହମ୍ମଦ ଇରସେଦ ଅସାବଧାନତା ହେତୁ ସମୁଦ୍ର ସ୍ରୋତରେ ଭାସିଯାଇ ଗଭୀର ପାଣି ଭିତରକୁ ଚାଲି ଯାଇଥିଲେ । ବେଳାଭୂମିରେ ନିୟୋଜିତ ରହିଥିବା ଲାଇଫଗାର୍ଡ ଜି. ଚିଟିବାବୁ ଓ ଜି. କାଳୀ ଶଙ୍କର ପ୍ରମୁଖ ତୁରନ୍ତ ଇରସେଦ ବୁଡ଼ି ଯାଉଥିବା ଜାଣିପାରି ସମୁଦ୍ର ଭିତରକୁ ଯାଇ ତାଙ୍କୁ ଉଦ୍ଧାର କରି କୂଳକୁ ଆଣିଥିଲେ। ପ୍ରାଥମିକ ଚିକିତ୍ସା ପରେ ସେ ସୁସ୍ଥ ଥିବା ଜଣାପଡିଛି।
Comments are closed.