ଗୋପାଳପୁର: ବିଜେପି ଯୁବ ମୋର୍ଚ୍ଚା ପକ୍ଷରୁ ଆଜି ଗୋପାଳପୁର ନିର୍ବାଚନମଣ୍ଡଳୀରେ ତ୍ରିରଙ୍ଗା ଯାତ୍ରା ଅବସରରେ ଏକ ମୋଟରସାଇକେଲ ରାଲିର ଆୟୋଜନ କରାଯାଇଥିଲା। ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗୋପାଳପୁର ବିଧାୟକ ତଥା ରାଜ୍ୟ ପରିବହନ ଖଣି ଓ ଇସ୍ପାତମନ୍ତ୍ରୀ ବିଭୂତି ଭୂଷଣ ଜେନା ଯୋଗ ଦେଇ ପତକା ଦେଖାଇ ରାଲିର ଶୁଭାରମ୍ଭ କରିଥିଲେ। ରାଲି ଗୋଳନ୍ଥରା ସ୍ଥିତ ଇଶାଣେଶ୍ବର ମନ୍ଦିରରୁ ବାହାରି କନିଷି, ଆଙ୍କୁଲି, ଲାଞିପଲ୍ଲୀ, ଡୁରା ଛକ, କରାପଲ୍ଲୀ ହୋଇ ଗୋପାଳପୁର ଠାରେ ସମାପନ ହୋଇଥିଲା। ଏଥିରେ ୧ ହଜାରରୁ ଉର୍ଦ୍ଧ୍ବ ମୋଟରସାଇକେଲ ସାମିଲ ରହିଥିଲା। ଆୟୋଜିତ କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଗଞ୍ଜାମ ଜିଲ୍ଲା ଯୁବମୋର୍ଚ୍ଚା ସଭାପତି ଶିବଶଙ୍କର ନାୟକ, ସାଧାରଣ ସମ୍ପାଦକ ବି ସୋମନାଥ ପାତ୍ର, ତୁଳୁ ମଣ୍ଡଳ ସଭାପତି ଜଗମୋହନ ପାତ୍ର, ଉପସଭାପତି କେ ଚନ୍ଦ୍ର ଶେଖର,ଏସ ରବି ରାଓ, ଗୋପୀ ମହାରଣା, ସଞ୍ଜୟ ନାୟକ, ନିରଞ୍ଜନ ବେହେରା, ନାରାୟଣ ରେଡ୍ଡୀ, ସୁମିତ ପାତ୍ର, କାଳୁ ମଣ୍ଡଳ, ରବିନ୍ଦ୍ର ସାହୁ ପ୍ରମୁଖ ସହଯୋଗ କରିଥିଲେ।
Popular Categories
Previous article
Next article