ଗୁରୁଡିଝାଟିଆ : ପୁରୁଣା କଟକ-ସମ୍ବଲପୁର ରାସ୍ତାର ଉନ୍ନତି କରଣ ସାଙ୍ଗକୁ ସଂପ୍ରସାରଣ କାର୍ଯ୍ୟ ଚାଲୁ ରହିଛି । ମଧୁସେତୁର ନୂଆପାଟଣା ଠାରୁ ଆଠଗଡ ପର୍ଯ୍ୟନ୍ତ ଏହି ରାସ୍ତାଟି ସଂପ୍ରସାରଣ କାର୍ଯ୍ୟ ଚାଲୁ ରହିଛି। ରାସ୍ତା ଓ କୋଠାବାଡି ବିଭାଗ ପକ୍ଷରୁ ନିର୍ମାଣ କାର୍ଯ୍ୟ କରିବା ନିମନ୍ତେ ଠିକାଦାରଙ୍କୁ କାର୍ଯ୍ୟାଦେଶ ଦିଆଯାଇଛି। ରାସ୍ତା କାର୍ଯ୍ୟ କଚ୍ଛପଗତିରେ ଚାଲୁ ଥିବାରୁ ଜନସାଧାରଣ ନାହିଁ ନଥିବା ଦୁର୍ଦ୍ଦଶାର ସମ୍ମୁଖିନ ହେଉଛନ୍ତି। ହେଲେ ରାସ୍ତାକାର୍ଯ୍ୟ ଅତ୍ୟନ୍ତ ନିମ୍ନମାନର ହୋଇଥିବା ଅଭିଯୋଗ ହେଉଛି। ଯାହାର ଉଦାହରଣ ହେଉଛି କଖଡିରୁ କାପ୍ତାବରାଇ ଯିବା ରାସ୍ତାର ଗୋପି ସାହୁ ପୋଲ ନିକଟରେ ୧୫ ଫୁଟ ଲମ୍ବ ଓ ୩୦ ଫୁଟ ଓସାରର ରାସ୍ତା ଦବି ଯାଇଛି। ଏହା ଦେଖି ସ୍ଥାନୀୟ ଜନସାଧାରଣ ତୀବ୍ର ଅସନ୍ତୋଷ ବ୍ୟକ୍ତ କରିଥିଲେ। ଏପରିକି ଗାଡି ଚାଳକମାନେ ବହୁ ଅସୁବିଧାର ସମ୍ମୁଖିନ ହୋଇଥିଲେ। ଏହାକୁ ଦୃଷ୍ଟିରେ ରଖି ନିମ୍ନମାନର କାର୍ଯ୍ୟକୁ ଲୁଚାଇବାକୁ ଯାଇ ଦବି ଯାଇଥିବା ସ୍ଥାନରେ କ୍ରସରଗୁଣ୍ଡ ବିଛାଇ ଦେଇଛନ୍ତି। ଜନସାଧାରଣଙ୍କ ଟିକଟ ଦ୍ୱାରା ଲକ୍ଷ ଲକ୍ଷ ଟଙ୍କା ବିନିମୟରେ ରାସ୍ତା ପ୍ରଶସ୍ତିକରଣ ଓ ଉନ୍ନତିକରଣ କାର୍ଯ୍ୟ ଚାଲୁ ରହିଥିଲେ ମଧ୍ୟ ଠିକାଦାରଙ୍କ ଅପରିମାଣଦର୍ଶିତା ଓ ଲାଭଖୋର ମନୋବୃତ୍ତି ପାଇଁ ଏଭଳି ଅବସ୍ଥା ସୃଷ୍ଟି ହୋଇଛି ବୋଲି ସାଧାରଣରେ ଦାବି କରିଛନ୍ତି। ଅପରପକ୍ଷରେ ବିଭାଗୀୟ ଯନ୍ତ୍ରୀଙ୍କ ରାସ୍ତା ନିର୍ମାଣ ସମୟରେ ତଦାରଖ କିଭଳି କରାଯାଉଛି ବୋଲି ତାହା ମଧ୍ୟ ଏବେ ପ୍ରଶ୍ନବାଚୀ ସୃଷ୍ଟି କରିଛି। କେହି କେହି ସଲାସୁତରାରେ ରାସ୍ତା କାର୍ଯ୍ୟ ନିମ୍ନମାନର ହେଉଛି ବୋଲି ଅଭିଯୋଗ ହେଉଛି।
ଦେଖନ୍ତୁ ଭିଡିଓ ; ସଫାରୀରେ ଯାଇ ସିଂହ ମୁଣ୍ଡରେ ହାତ ମାରିଲେ ପର୍ଯ୍ୟଟକ, ଆଉ ତା’ପରେ..
