ନୂଆଦିଲ୍ଲୀ : ପଞ୍ଜାବ ଆମ ଆଦମୀ ପାର୍ଟି (ଆପ)ର ବିଦ୍ରୋହୀ ବିଧାୟକ ସୁଖପାଳ ସିଂହ ଖୈରା ରବିବାର ଦଳର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଇଛନ୍ତି। ସେ ଇସ୍ତଫା ଦେବା ପରେ କହିଛନ୍ତି ଯେ ଆପ ମୂଳ ବିଚାରଧାରା ଓ ସିଦ୍ଧାନ୍ତରୁ ସମ୍ପୂର୍ଣ୍ଣ ରୂପେ ଦିଗହରା ହୋଇପଡ଼ିଛି। ଦଳ ବିରୋଧୀ ଗତିବିଧି ମାମଲାରେ ଗତ ବର୍ଷ ନଭେମ୍ବର ମାସରେ ସୁଖପାଳଙ୍କୁ ଆପରୁ ନିଲମ୍ବିତ କରାଯାଇଥିଲା। ସେ ରବିବାର ତାଙ୍କ ଇସ୍ତଫାପତ୍ର ରାଷ୍ଟ୍ରୀୟ ଆବାହକ ଅରବିନ୍ଦ କେଜରିୱାଙ୍କ ନିକଟକୁ ପଠାଇ ଦେଇଥିବା ସୂଚନା ଦେଇଛନ୍ତି।
ଉଲ୍ଲେଖ ଯେ ଏହା ପୂର୍ବରୁ ଏଚ୍ଏସ୍ ଫୁଲକା ଆପରୁ ଇସ୍ତଫା ଦେଇଥିଲେ। ଖୈର ତାଙ୍କ ଇସ୍ତଫାପତ୍ରରେ ଲେଖିଛନ୍ତି ଯେ ଦେଶର ପାରମ୍ପରିକ ରାଜନୈତିକ ଦଳଗୁଡ଼ିକର ରାଜନୈତିକ ସଂସ୍କୃତି ସମ୍ପୂର୍ଣ୍ଣ ରୂପେ ନଷ୍ଟ ହୋଇସାରିଛି। ଏହି ସମୟରେ ଆନ୍ନାଙ୍କ ବିଦ୍ରୋହରୁ ଆପ ଦଳର ସୃଷ୍ଟି ଲୋକଙ୍କ ମନରେ ସକରାତ୍ମକ ଆଶା ସଂଚାର କରିଥିଲା। ଏବେ ଆପର ସଂସ୍କୃତି ପାରମ୍ପରିକ ରାଜନୈତିକ ଦଳଗୁଡ଼ିକର ସଂସ୍କୃତିଠାରୁ ଅଲଗା ନୁହେ ବୋଲି ଅନୁଭବ କରୁଛି। ତେଣୁ ଦଳର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଉଛି ଓ ଏନେଇ ଇସ୍ତଫାପତ୍ର ଦଳର ମୁଖିଆଙ୍କୁ ପଠାଇ ଦେଇଛି।
ଆପ୍ରୁ ସୁଖପାଳ ସିଂହଙ୍କ ଇସ୍ତଫା
Popular Categories
Previous article
Next article