ବୌଦ୍ଧ; ବୌଦ୍ଧ ବ୍ଲକ ଅନ୍ତର୍ଗତ ବହିରା ଗ୍ରାମରୁ ଜାତୀୟ ରାଜପଥ ଠାରୁ ବସ୍ତମପୁର ଗ୍ରାମକୁ ଯାଇଥିବା ରାସ୍ତାର ଅବସ୍ଥା ଶୋଚନୀୟ ହୋଇଛି । ଫଳରେ ଲୋକମାନେ ଚଳ ପ୍ରଚଳ କରିବାରେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଜାତୀୟ ରାଜପଥ ଠାରୁ ବସ୍ତମପୁର ଗ୍ରାମକୁ ପ୍ରାୟ ତିନି କିଲୋମିଟର ଦୂରତା ହୋଇଥିବା ବେଳେ ରାସ୍ତାର ବିଭିନ୍ନ ସ୍ଥାନରେ ଖାଲ ଖମା ଭରି ରହିଛି । ଯାହା ଫଳରେ ଲୋକମାନେ ସାଇକଲ କିମ୍ବା ବାଇକରେ ଗଲା ସମୟରେ ଦୁର୍ଘଟଣାର ଶିକାର ମଧ୍ୟ ହେଉଥିବାର ଅଭିଯୋଗ ହେଉଛି । ଏହି ରାସ୍ତା ଦେଇ ପ୍ରତିଦିନ ଗ୍ରାମର ପିଲାମାନେ ସ୍କୁଲ, କଲେଜ ଯାଉଥିବା ବେଳେ ଅନେକ ଗ୍ରାମବାସୀ ସେମାନଙ୍କର ଦୈନ୍ୟଦିନ କାର୍ୟ୍ୟ ପାଇଁ ନିର୍ଭର କରିଥାନ୍ତି । ରକ୍ଷଣାବେକ୍ଷଣର ଅଭାବ ଯୋଗୁଁ ରାସ୍ତାରୁ ପିଚୁ ଉଠି ଦିନକୁ ଦିନ ନଷ୍ଟ ହେବାକୁ ବସିଲାଣି । ତେଣୁ ତୁରନ୍ତ ଏହି ରାସ୍ତାକୁ ମରାମତି କରିବାକୁ ଦାବି ହେଉଛି ।
Comments are closed.