ସମାଜ ଡିଜିଟାଲ ଡେସ୍କ: ନାମ ଫଳକ ବିବାଦରେ ଉତ୍ତରପ୍ରଦେଶ ସରକାରଙ୍କ ନିଷ୍ପତ୍ତି ଉପରେ ରୋକ ଲଗାଇଛନ୍ତି ସୁପ୍ରିମକୋର୍ଟ। କାଉଡି ଯାତ୍ରା ସମୟରେ ରାସ୍ତାପାର୍ଶ୍ବରେ ଖୋଲୁଥିବା ହୋଟେଲ ମାଲିକମାନେ ନିଜ ନାମ, ଠିକଣା ଥିବା ନାମ ଫଳକ ଲଗାଇବାକୁ ନିର୍ଦେଶ ଦେଇଥିଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ସୁପ୍ରିମକୋର୍ଟ ଏହି ନିଷ୍ପତ୍ତି ଉପରେ ଅନ୍ତରୀଣ ସ୍ଥଗିତାଦେଶ ଦେଇଛନ୍ତି।
ସରକାରଙ୍କ ନିଷ୍ପତ୍ତିକୁ ସର୍ବୋଚ୍ଚ ଅଦାଲତରେ ଚ୍ୟାଲେଞ୍ଜ କରାଯାଇଥିଲା। ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ର ଏହି ପିଟିସନ ଦାୟର କରିଥିଲେ। ସରକାରଙ୍କ ନିଷ୍ପତ୍ତି ସାମ୍ବିଧାନିକ ବ୍ୟବସ୍ଥା ଏବଂ ଧର୍ମ ନିରପେକ୍ଷତାର ପରିପନ୍ଥୀ। ସୋମବାର ଏହାର ଶୁଣାଣି ବେଳେ ସୁପ୍ରିମକୋର୍ଟ କହିଛନ୍ତି, ଉତ୍ତର ପ୍ରଦେଶ ପୁଲିସ ଦୋକାନୀମାନଙ୍କୁ ନାମ ଫଳକ ଲଗାଇବାକୁ ବାଧ୍ୟ କରିପାରିବେ ନାହିଁ। ସେମାନେ କେବଳ ବିଭିନ୍ନ ପ୍ରକାର ଖାଦ୍ୟ ସମ୍ପର୍କିତ ତଥ୍ୟ ପ୍ରଦର୍ଶନ କରିପାରିବେ। ବିଚାରପତି ହୃଷିକେଶ ରଏ ଏବଂ ଏସ.ଭି.ଏନ. ଭଟ୍ଟଙ୍କୁ ନେଇ ଗଠିତ ଖଣ୍ଡପୀଠ ଉପରୋକ୍ତ ରାୟ ଦେଇଛନ୍ତି। ଏହା ସହିତ ଉତ୍ତରପ୍ରଦେଶ, ମଧ୍ୟପ୍ରଦେଶ, ଉତ୍ତରାଖଣ୍ଡ ଏବଂ ଦିଲ୍ଲୀ ସରକାରଙ୍କୁ ନୋଟିଜ ଜାରି କରିଛନ୍ତି। ଆସନ୍ତା ଶୁକ୍ରବାର ମାମଲାର ପରବର୍ତ୍ତୀ ଶୁଣାଣି ପାଇଁ ସର୍ବୋଚ୍ଚ ନ୍ୟାୟାଳୟ ଦିନ ଧାର୍ଯ୍ୟ କରିଛନ୍ତି।
Comments are closed.