ସମାଜ ଡିଜିଟାଲ ଡେସ୍କ: ପିଏମ ପୋଷଣ ଯୋଜନାରେ ସ୍କୁଲ ଛାତ୍ରଛାତ୍ରୀଙ୍କୁ ମିଳିବ ତିଥି ଭୋଜନ । ୧୦୦ ଦିନ ଭିତରେ ଅତିକମରେ ବିଭିନ୍ନ ନାଗରିକ ସମାଜ ପକ୍ଷରୁ ପିଲାଙ୍କୁ ଦିଆଯିବ ପୃଷ୍ଟିକର ଖାଦ୍ୟ । ଯେକୌଣସି ବ୍ୟକ୍ତି କିମ୍ବା ଅନୁଷ୍ଠାନ ଚାହିଁଲେ ପିଲାଙ୍କୁ ଏହି ଭୋଜନା ଖୁଆଇ ପାରିବେ । ସ୍ୱତନ୍ତ୍ର ଦିନ, ରାଜ୍ୟସ୍ତରୀୟ କାର୍ଯ୍ୟକ୍ରମ ଦିନ କିମ୍ବା ଅନ୍ୟ କୌଣସି ଜାତୀୟ ଦିନରେ ଏହି କାର୍ଯ୍ୟ କରିପାରିବେ । ରାଜ୍ୟର ସମସ୍ତ ଜିଲା ଶିକ୍ଷା ଅଧିକାରୀଙ୍କୁ ଏନେଇ ଚିଠି ଲେଖିଛନ୍ତି ପିଏମ ପୋଷଣର ନୋଡାଲ ଅଫିସର ରଘୁରାମ ଆୟର । ସେ କହିଛନ୍ତି ଯେ ଆସନ୍ତା ୨୮ତାରିଖ ଦିନ ଏ ସଂକ୍ରାନ୍ତରେ ଏକ ବୈଠକ ବସିବ । ସ୍କୁଲ ଗୁଡିକରେ ଏହାର କିପରି କାର୍ଯ୍ୟକାରୀ କରାଯିବ ସେନେଇ ବୈଠକରେ ଆଲୋଚନା ହେବ ।
