ସମାଜ ଡିଜିଟାଲ ଡେସ୍କ: ଏଭରେଷ୍ଟ ପର୍ବତର ଉଚ୍ଚତା ସବୁବେଳେ ଲୋକଙ୍କୁ ଆକର୍ଷିତ କରିଥାଏ। ଗଗନଶ୍ଚୁମ୍ବି ଏହି ବରଫାବୃତ ପର୍ବତର ଶିଖର ଦେଖିବାକୁ ଓ ତା’ ବିଷୟରେ ଜାଣିବାକୁ ଅନେକ ଲୋକ ଏଭେରେଷ୍ଟ ଆରୋହଣ କରିଛନ୍ତି, କିନ୍ତୁ କିଛି ହାତଗଣତି ଲୋକ ଏଥିରେ ସଫଳ ହୋଇଛନ୍ତି। ତେବେ ଏଭେରେଷ୍ଟ ଶିଖରର ଦୃଶ୍ୟ ଦେଖିବାକୁ ସମସ୍ତେ ଆଗ୍ରହୀ, କିନ୍ତୁ ଏଠାରେ ପହଞ୍ଚିବା କିମ୍ବା ଦେଖିବା ସମସ୍ତଙ୍କ ପାଇଁ ସମ୍ଭବ ନୁହେଁ। ଏବେ କିନ୍ତୁ ଆପଣ ଖୁବ୍ ସହଜରେ ଏହି ଦୃଶ୍ୟ ଦେଖିପାରିବେ। ଚୀନ୍ର ଏକ ଡ୍ରୋନ୍ ମାଉଣ୍ଟ ଏଭରେଷ୍ଟ ଶିଖରର କିଛି ଖାସ୍ ଭିଡିଓ ଉତ୍ତୋଳନ କରିଛି। ଏହି ଭିଡିଓଗୁଡ଼ିକ ଦେଖି ଆପଣ ମଧ୍ୟ ମାଉଣ୍ଟ ଏଭରେଷ୍ଟର ଉପର ପୃଷ୍ଠଟି କିପରି ଦେଖାଯାଏ ସେ ବିଷୟରେ ଏକ ଧାରଣା ପାଇପାରିବେ।
Chinese drone maker @DJIGlobal shared a breathtaking video of its DJI Mavic 3 Pro flying over Mount Everest on Weibo yesterday. The drone ascended 3,500 meters from the base camp to the summit of the highest mountain in the world. pic.twitter.com/Iwyoe45DtS
— Yicai 第一财经 (@yicaichina) July 10, 2024
ଚୀନ୍ର ଏକ ଟ୍ୱିଟର ହ୍ୟାଣ୍ଡେଲ Yicai ମାଉଣ୍ଟ ଏଭରେଷ୍ଟର ଭିଡିଓ ଶେୟାର କରିଛି। ଏହି ଭିଡିଓରେ ମାଉଣ୍ଟ ଏଭରେଷ୍ଟର ପଥୁରିଆ ଅଂଶ ଦୃଶ୍ୟମାନ ହେଉଛି। ସମଗ୍ର ଏଭରେଷ୍ଟ ପୃଷ୍ଠରେ ଉଚ୍ଚା ନିଚ୍ଚା ପଥର ଚଟ୍ଟାଣ ଦେଖିବାକୁ ମିଳିଛି। ଏହାର ଧଳା ରଙ୍ଗ ଦେଖି ଅନୁମାନ କରାଯାଇପାରେ ଯେ ସମଗ୍ର ପୃଷ୍ଠ ବରଫାବୃତ ହୋଇ ରହିଛି। ଏହି ଭିଡିଓ ଶେୟାର କରି ଟ୍ୱିଟର ହ୍ୟାଣ୍ଡେଲ ଲେଖିଛି ଯେ, ଚୀନ୍ର ଡ୍ରୋନ ନିର୍ମାତା ଡିଜେଆଇ ଗ୍ଲୋବାଲ ଏହାର ଡ୍ରୋନ DJI Mavic 3 Proରୁ ଏହି ଚିତ୍ର ଉତ୍ତୋଳନ କରିଛି। ଏହି ଡ୍ରୋନ ବେସ୍ କ୍ୟାମ୍ପରୁ ୩୫୦୦ ମିଟର ଉଚ୍ଚରେ ଉଡ଼ି ଏଭରେଷ୍ଟର ଚିତ୍ର ଉତ୍ତୋଳନ କରିଛି।
ଭିଡିଓକୁ ଏପର୍ଯ୍ୟନ୍ତ ଲକ୍ଷାଧିକ ଲୋକ ଦେଖି ସାରିଥିବାବେଳେ ଏହାକୁ ବେଶ୍ ପସନ୍ଦ ମଧ୍ୟ କରିଛନ୍ତି। କିଛି ଲୋକ କହିଛନ୍ତ, ଏହି ଭିଡିଓ ଦେଖିବା ପରେ ଆଉ ଏଭରେଷ୍ଟ ଆରୋହଣର ଆବଶ୍ୟକତା ନାହିଁ।
