ଚୌଦ୍ୱାର: ଚୌଦ୍ୱାରର ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ସ୍ୱାମୀ ବିବେକାନନ୍ଦ ସୋସିଆଲ ଡେଭଲପମେଣ୍ଟ ପକ୍ଷରୁ ଚାଲିଥିବା ବନମହୋତ୍ସବ ସପ୍ତାହ ଉଦ୍ୟାପିତ ହୋଇଯାଇଛି। ଏହି ଅବସରରେ ଅନୁଷ୍ଠାନ ତରଫରୁ ଗୋପବନ୍ଧୁ ଖେଳ ପଡିଆ, ଓଟିଏମ ସ୍କୁଲ, ହନୁମାନ ବାଟିକା, ମଙ୍ଗୁଳି ଛକ, ବାଟବୁଢୀ କଲୋନୀ, ନାରାୟଣ ପଡିଆ, କଳମଝରୀ ପୋଖରୀ ଆଦି ସ୍ଥାନ ମାନଙ୍କରେ ବ୍ୟାପକ ଚାରା ରୋପଣ କରାଯାଇଥିଲା। କାର୍ଯ୍ୟକ୍ରମରେ ୧୧ନଂ ୱାର୍ଡ କାଉନସିଲର ବିନୋଦିନୀ ରାଉତରାୟ, ଅବସରପ୍ରାପ୍ତ ଡେପୁଟି କମାଣ୍ଡାଟ ସୈଳେନ୍ଦ୍ର ମୁଖୀ, ଶିକ୍ଷକ ଜିତେନ ରାଉତ, ସଞ୍ଜୟ ରାଉତ, ପ୍ରବୋଧ ରାଉତରାୟ, ଲୋକନାଥ ସାହୁ, ଶିକ୍ଷାବିତ୍ ଗଣେଷ ପ୍ରସାଦ ବେହେରା ପ୍ରମୁଖ ଅତିଥି ଭାବେ ଯୋଗଦେଇ ବୃକ୍ଷରୋପଣ କରିଥିଲେ । ଅନୁଷ୍ଠାନର ସଭାପତି ଭାସ୍କର ଚନ୍ଦ୍ର ରାଉତରାୟ, ଅଶ୍ୱିନୀ କୁମାର ଜେନା, ଅମୁଲ୍ୟ ରାଉତରାୟ, ସୁରେଶ ଚନ୍ଦ୍ର ରାଉତରାୟ, ଭୀମସେନ ବିଶ୍ୱାଳ, ଶ୍ରୀକାନ୍ତ ପାକଳ ଓ ହରିହର ବେଉରାଙ୍କ କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.